খোৱাং গাঁওপঞ্চায়তৰ মইনা গাঁৱৰ মূল পথে জলা-কলা খুৱাইছে স্থানীয় লোকক

বিধায়ক চক্ৰধৰ গগৈয়ে সামাজিক মাধ্যমত সমষ্টিৰ উন্নয়নৰ কথা কৈ থকাৰ সময়তে খোৱাং গাঁও পঞ্চায়তৰ ৮ নং ৱাৰ্ডৰ মইনা গাঁৱৰ মূল পথটোৱে উদঙাইছে উন্নয়নৰ প্ৰকৃত ছবিখন ৷ পথটোৰ উন্নয়নৰ বাবে কাম কৰিব বুলি ৰাইজক প্ৰতিশ্ৰুতি দিয়াৰ পাছতো আজিলৈকে কোনো কাম নকৰিলে বিধায়ক গৰাকীয়ে ৷ যাৰ বাবে গাঁৱৰ ৰাইজে বাৰিষাৰ একাঁঠু বোকাত অতি কষ্টৰে যাতায়ত কৰিবলগীয়া হয় ৷

মৰাণ,25 ডিচেম্বৰ : ৰাজ্যত পৰিবৰ্তনৰ ৰঙীন বিজ্ঞাপনে সকলোকে আকৰ্ষিত কৰিছে । কিন্তু মুখ্যমন্ত্ৰী সৰ্বানন্দ সোণোৱালৰ গৃহ জিলাৰ মৰাণ সমষ্টিৰ ৰাইজে উন্নয়ন বিচাৰি হাহাকাৰ কৰিবলগীয়া হৈছে । বিধায়ক চক্ৰধৰ গগৈয়ে সামাজিক মাধ্যমত সমষ্টিৰ উন্নয়ন হোৱা বুলি প্ৰচাৰ কৰিলেও প্ৰকৃততে মৰাণত উন্নয়ন বৃহৎ শূন্য । কেৱল কমিচনৰ অংকত ব্যস্ত থকা বিধায়ক চক্ৰধৰ গগৈয়ে সমষ্টিৰ গ্ৰাম্য উন্নয়নয়ত অলপো গুৰুত্ব আৰোপ নকৰাৰ অভিযোগ সমষ্টিবাসীৰ । মৰাণ সমষ্টিৰ খোৱাং গাঁও পঞ্চায়তৰ ৮ নং ৱাৰ্ডৰ মইনা গাঁৱৰ মূল পথটো আজিও জৰাজীৰ্ণ হৈ থাকিল ।

খোৱাং গাঁওপঞ্চায়তৰ মইনা গাঁৱৰ মূল পথে জ্বলা কলা খুৱাইছে স্থানীয় লোকক

বিধায়ক চক্ৰধৰ গগৈয়ে বিধায়ক হোৱাৰ আগতে পথটোৰ উন্নয়নৰ বাবে কাম কৰিব বুলি ৰাইজক প্ৰতিশ্ৰুতি দিছিল যদিও বিধায়ক জনে ৫ বছৰে গাঁৱৰ ৰাইজৰ সমস্যাৰ বুজ ল'বলৈ সময়ে নাপালে । ৰাইজে বহু বাৰ বিধায়ক জনক মূল পথটো উন্নয়নৰ বাবে দাবী জনাইছিল যদিও ৰাইজৰ সমস্যাৰ প্ৰতি কোনো ধৰণৰ গুৰুত্ব নিদিলে ।

খোৱাং গাঁওপঞ্চায়তৰ মইনা গাঁৱৰ মূল পথে জ্বলা কলা খুৱাইছে স্থানীয় লোকক

ফলত ছাত্ৰ-ছাত্ৰীৰ লগতে গাঁৱৰ ৰাইজে বাৰিষাৰ একাঁঠু বোকাত অতি কষ্টৰে যাতায়ত কৰিবলগীয়া হয় । গাঁও খনৰ প্ৰায় ২ কিলোমিটাৰৰ মূল পথটো উন্নয়নৰ বাবে ব্যৱস্থা গ্ৰহণ কৰিব নোৱাৰা বিধায়ক চক্ৰধৰ গগৈৰ কামকাজক লৈ এতিয়া ক্ষোভ প্ৰকাশ কৰিছে ৰাইজে ।

লগতে পঢ়ক:কৃষক সন্মান নিধি সভাত পৰ্যাপ্ত সুবিধা নোপোৱা অভিযোগ আমগুৰি কৃষকৰ