মৰাণ, 13 জুন : ডিব্ৰুগড় আৰু শিৱসাগৰ জিলাৰ সীমামুৰীয়া খোৱাং আৰু নিতাইপুখুৰী সংযোগী ঐতিহাসিক বুঢ়ীদিহিং মথাউৰিটো পুৰণি হৈ পৰাত শংকিত হৈ পৰিছে অঞ্চলটোৰ ৰাইজ ৷ ক্ৰমাৎ বাঢ়ি আহিছে বুঢ়ীদিহিং নদীৰ পানী ৷ যাৰ ফলত উক্ত পুৰণি বুঢ়ীদিহিং মথাউৰিটো বহু বছৰ ধৰি পুনঃনিৰ্মাণ নকৰাৰ ফলত দুৰ্বল হৈ পৰিছে ।
যিকোনো মুহুৰ্তত বিপদ মাতিব পাৰে বুঢ়ীদিহিঙৰ মথাউৰিয়ে
উল্লেখ্য যে, মথাউৰিৰ কাষৰ ৰাইজে বহু বছৰ পৰাই মথাউৰিটো পুনৰ নিৰ্মাণ কৰিবলৈ বিভাগীয় কৰ্তৃপক্ষক আহ্বান জনাই আহিছে যদিও আজিকোপতি ৰাইজৰ আহ্বানৰ প্ৰতি কৰ্তৃপক্ষই সঁহাৰি নজনোৱাৰ অভিযোগ উত্থাপন হৈছে ৷ ইতিমধ্যে প্ৰতি বছৰ বাৰিষাত ঠায়ে ঠায়ে মথাউৰিটোৰ কিছু কিছু অংশ খহি যোৱা পৰিলক্ষিত হৈছে ।