মৰাণ,7 জুন:ডিব্ৰুগড়ৰ জকাই বৰবিলৰ এটি বৃদ্ধ দম্পতীক সহায়ৰ হাত আগবঢ়ালৈ আগবাঢ়ি আহে ডিব্ৰুগড় জিলা সাংবাদিক সুৰক্ষা মঞ্চৰ লগতে মৰাণ-সোণোৱাল কছাৰী উন্নয়ন সমিতি আৰু সমাজকৰ্মী মোহন সোণোৱাল । উল্লেখ্য যে, জকাই বৰবিলৰ এটা বৃদ্ধ দম্পতীৰ দুৰ্বিসহ জীৱন কাহিনী Etv Bharat ত প্ৰচাৰ হোৱাৰ পাচতে বৃদ্ধ দম্পতীটোৰ উৰুখা পঁজাটি মেৰামতি কৰিবৰ বাবে আগবাঢ়ি আহিল ডিব্ৰুগড় জিলা সাংবাদিক সুৰক্ষা মঞ্চ ৷
তদুপৰি মৰাণ-সোণোৱাল কছাৰী উন্নয়ন সমিতিয়ে পৰিয়ালটোক বিভিন্ন খাদ্য সামগ্ৰীৰ যোগান ধৰে । সমান্তৰালভাৱে ডিব্ৰুগড়ৰ সমাজকৰ্মী মোহন সোণোৱালে এটা দমকলৰ ব্যৱস্থা কৰি দিয়ে ৷ পৰৱৰ্তী এমাহৰ ভিতৰত জিলা সাংবাদিক সুৰক্ষা মঞ্চই বৃদ্ধ দম্পতীটোৰ জৰাজীৰ্ণ ঘৰটি মেৰামতি তথা পুনৰ নিৰ্মাণৰ ব্যৱস্থা কৰি দিয়াৰ আশ্বাস প্ৰদান কৰে ৷ দৰিদ্ৰ পৰিয়ালসমূহৰ বাবে চৰকাৰে বিভিন্ন কল্যাণকামী আঁচনি ঘোষণা কৰিছে যদিও প্ৰকৃতাৰ্থত আজিও বহু পৰিয়ালক এই আঁচনিয়ে স্পৰ্শ কৰিবলৈ সক্ষম হোৱা নাই ।