শান্তি সদ্ভাৱনা যাত্ৰাত সৰ্বধৰ্মীয় প্ৰাৰ্থনাৰে প্ৰয়াত তৰুণ গগৈক শ্ৰদ্ধাঞ্জলি

সদ্যপ্ৰয়াত ৰাজ্যৰ প্ৰাক্তন মুখ্যমন্ত্ৰী তৰুণ গগৈৰ স্মৃতিত 8 ডিচেম্বৰৰ পৰা আৰম্ভ সদ্ভাৱনা যাত্ৰা ৷ উজনি অসমৰ মৰাণতো প্ৰয়াত গগৈক ৰাজহুৱা শ্ৰদ্ধাঞ্জলি ৷ শান্তি সদ্ভাৱনা সৃষ্টিয়েই এই যাত্ৰাৰ মুখ্য উদ্দেশ্য বুলি মন্তব্য প্ৰয়াত গগৈৰ সাংসদ পুত্ৰ গৌৰৱ গগৈৰ ৷

মৰাণ, 13 ডিচেম্বৰ:তিনিবাৰকৈ ৰাজ্যৰ মুখ্যমন্ত্ৰী পদত অধিষ্ঠিত সদ্য প্ৰয়াত তৰুণ গগৈৰ স্মৃতিত 8 ডিচেম্বৰৰ পৰা আৰম্ভ হৈছে শান্তি সদ্ভাৱনা যাত্ৰা ৷ প্ৰয়াত প্ৰাক্তন মুখ্যমন্ত্ৰী গৰাকীৰ অস্থি লৈ সমগ্ৰ অসমজুৰি হোৱা এই যাত্ৰাত সকলোতে প্ৰিয় নেতা গৰাকীক শ্ৰদ্ধাঞ্জলি জনাবলৈ ৰাইজৰ মাজত যথেষ্ট ভিৰ পৰিলক্ষিত হৈছে ৷ অসমৰ ভিন্ন ঠাইত সৰ্বধৰ্মীয় প্ৰাৰ্থনাৰে প্ৰিয় নেতা গৰাকীক অসংখ্য গুণমুগ্ধই শেষ শ্ৰদ্ধা নিবেদন কৰে ৷

শুকুৰবাৰে উজনি অসমৰ মৰাণত অনুষ্ঠিত হোৱা ৰাজহুৱা শ্ৰদ্ধাঞ্জলি অনুষ্ঠানত অংশ লৈ প্ৰয়াত প্ৰাক্তন মুখ্যমন্ত্ৰী গৰাকীৰ সাংসদ পুত্ৰ গৌৰৱ গগৈয়ে কয় যে শান্তি আৰু সদ্ভাৱনাই হৈছে এই যাত্ৰাৰ মুখ্য উদ্দেশ্য ৷ তেওঁ কয় যে উক্ত উদ্দেশ্য আগত ৰাখিয়েই সমগ্ৰ অসমত প্ৰয়াত গগৈৰ অস্থি লৈ ভ্ৰমণ কৰা হৈছে ৷

লগতে পঢ়ক:বিটিচি নিৰ্বাচন : নিৰংকুশ সংখ্যা গৰিষ্ঠতা নাপালে কোনো দলে !