মৰাণ, 24 এপ্ৰিল : বহু অপেক্ষাৰ অন্তত আজি লাকুৱা তৈলখাদৰ পৰা অপহৃত দুই কৰ্মচাৰীক উদ্ধাৰ কৰে অসম আৰক্ষীয়ে । সেনা আৰু অসম ৰাইফলচৰ যুটীয়া অভিযানত নাগালেণ্ডৰ মন জিলাৰ পৰা উদ্ধাৰ কৰা হয় অপহৃত অলকেশ শইকীয়া আৰু মোহিনী মোহন গগৈক ।
ডিব্ৰুগড় খোৱাঙৰ মোহিনী মোহন গগৈৰ পিতৃ মাতৃয়ে পুত্ৰ উদ্ধাৰ হোৱা বুলি খবৰ পোৱাৰ পাচতে অসম আৰক্ষী আৰু সংবাদ মাধ্যমক ধন্যবাদ জনায় । লগতে এতিয়াও দুৰ্বৃত্তৰ কৱলত থকা ৰিতুল শইকীয়াক মুকলি কৰিবলৈ আহ্বান জনাই মোহিনী মোহন গগৈৰ পিতৃ-মাতৃয়ে ।
অসম আৰক্ষীক ধন্যবাদ জনালে মোহিনী মোহন গগৈৰ পিতৃ মাতৃয়ে
উল্লেখ্য যে, লাকুৱা অ’এনজিচিত কৰ্মৰত মোহিনী মোহন গগৈ, অলকেশ শইকীয়া আৰু ৰিতুল শইকীয়াক যোৱা 20 এপ্ৰিলত অপহৰণ কৰে 5 জনীয়া বন্দুকধাৰী অচিনাক্ত এটা দলে ৷ জিজিএছ-8 ৰ এটা ৰীগৰ পৰা অপহৃত হৈছিল বিষয়া কেইগৰাকী ৷