মাহমৰাত অস্তিত্বহীন হোৱাৰ দিশে কংগ্ৰেছ

মাহমৰাত ক্ৰমাৎ অস্তিত্বহীন হোৱাৰ দিশে আগবাঢ়িছে কংগ্ৰেছ ৷ প্ৰায় প্ৰতিদিনেই দল এৰি গেৰুৱা বসন পিন্ধিছে বহু কংগ্ৰেছ কৰ্মীয়ে ৷ শনিবাৰেও সমষ্টিটোত কংগ্ৰেছ দলৰ অৰ্ধ শতাধিক পুৰুষ-মহিলাৰ বিজেপিত যোগদান ৷

মৰাণ,16 জানুৱাৰী:2021 ৰ আগন্তুক বিধানসভা নিৰ্বাচনলৈ মাজত মাত্ৰ কেইটামান দিন থকাৰ মাজত মাহমৰা সমষ্টিত কংগ্ৰেছৰ ভেটি ক্ৰমাৎ উচন হোৱাৰ দিশে আগবঢ়া পৰিলক্ষিত হৈছে ৷ প্ৰায় প্ৰতিদিনেই সমষ্টিটোত বহু কংগ্ৰেছ কৰ্মীয়ে দল ত্যাগ কৰি বিজেপিৰ গেৰুৱা বসন পৰিধান কৰাৰ পৰিপ্ৰেক্ষিততে কংগ্ৰেছ দলৰ ভেটি সমষ্টিটোত প্ৰায় থৰক বৰক হৈ পৰা দেখিবলৈ পোৱা গৈছে ৷

মন্ত্ৰী যোগেন মহনৰ উপস্থিতিত কংগ্ৰেছ দলৰ অৰ্ধশতাধিক পুৰুষ মহিলাই বিজেপিত যোগদান কৰে

আগন্তুক বিধানসভা নিৰ্বাচনৰ বাবে বিজেপিয়ে অধিক তৎপৰতাৰে দলীয় ভেঁটি শক্তিশালী কৰি তুলিবলৈ চেষ্টা কৰাৰ পৰিৱৰ্তে মাহমৰা সমষ্টিত কংগ্ৰেছ দলৰ ফালৰ পৰা কোনো তৎপৰতা পৰিলক্ষিত হোৱা নাই ৷ বিজেপি দলত প্ৰতিদিনে নতুন নতুন লোকে প্ৰৱেশ কৰাৰ বিপৰীতে কংগ্ৰেছৰ পৰা বহু নেতা কৰ্মীয়ে বিদায় লোৱাহে পৰিলক্ষিত হৈছে ৷

মাহমৰাত কংগ্ৰেছৰ প্ৰায় অৰ্ধ শতাধিক কৰ্মীৰ বিজেপিত যোগদান

শনিবাৰৰ দিনটোত মাহমৰা সমষ্টিত মন্ত্ৰী যোগেন মহনৰ উপস্থিতিত অন্যান্য দল-সংগঠনৰ লগতে কংগ্ৰেছৰ প্ৰায় অৰ্ধ শতাধিক কৰ্মীয়ে দল ত্যাগ কৰি গেৰুৱা বসন পৰিধান কৰা পৰিলক্ষিত হয় ৷

লগতে পঢ়ক:প্ৰতিবাদী কংগ্ৰেছীক গুলিয়াবলৈ পিষ্টল উলিওৱা কোন এই আৰক্ষী বিষয়া !