মৰাণ, 23 ছেপ্টেম্বৰ : ডিব্ৰুগড়ৰ ঘোঁৰামৰাত এগৰাকী কিশোৰীক চল-চাতুৰি কৰি অসৎ কাৰ্য চৰিত্ৰাৰ্থ কৰাৰ অভিযোগ উত্থাপিত হৈছে এগৰাকী ৬৩ বছৰীয়া বৃদ্ধৰ বিৰুদ্ধে ৷ অভিযোগ অনুসৰি বৃদ্ধ জনৰ কামনাৰ বলি হৈ সম্প্ৰতি পাঁচমাহৰ অন্তঃসত্বা হৈ আছে কিশোৰী গৰাকী । এই ঘটনা পোহৰলৈ অহাৰ পিছতে সমগ্ৰ অঞ্চলটোত এতিয়া ব্যাপক প্ৰতিক্ৰিয়াৰ সৃষ্টি হৈছে ।
চলে-বলে 17 বছৰীয়া কিশোৰীক পাঁচমহীয়া অন্তঃসত্বা কৰিলে বৃদ্ধই
জানিব পৰা মতে হাবিচুক গাঁৱৰ অভিযুক্ত জনৈক কোঁৱৰ নামৰ লোকজনে নিজৰ ঘৰত কাম কৰোৱাৰ চলেৰে দীৰ্ঘদিন ধৰি যৌন নিৰ্যাতন চলাই আহিছিল কিশোৰী গৰাকীক । কেৱল ইমানেই নহয় অভিযুক্ত কোঁৱৰে কিশোৰী গৰাকীক এই যৌন নিৰ্যাতনৰ সংক্ৰান্তত কাকো নক'বলৈ ভাবুকি দি আহিছিল ৷ অৱশেষত কিশোৰী গৰাকী অন্তঃসত্বা হোৱাৰ পিছত এই কথা জানিবলৈ পালে পৰিয়ালৰ লোকে ৷