মৰাণত ৮০ বছৰীয়া বৃদ্ধক হানি-খুচি হত্যা

মৰাণৰ নাহৰতলি পথাৰত কোনো অচিনাক্ত দুৰ্বৃত্তই হানি-খুচি পিয়ন কৰকেটা নামৰ ৮০ বছৰীয়া এজন বৃদ্ধক হত্যা কৰাৰ অভিযোগ উত্থাপন হৈছে ৷

মৰাণ, 4 এপ্ৰিল:মৰাণত সংঘটিত হৈছে এক নৃশংস হত্যাকাণ্ড ৷ মৰাণৰ নাহৰতলি পথাৰত কোনো অচিনাক্ত দুৰ্বৃত্তই হানি-খুচি গাঁৱৰে পিয়ন কৰকেটা নামৰ ৮০ বছৰীয়া এজন বৃদ্ধক হত্যা কৰাৰ অভিযোগ উত্থাপন হৈছে ৷

প্ৰাপ্ত তথ্য অনুসৰি, শনিবাৰে সন্ধিয়া বৃদ্ধজন গৈছিল বজাৰলৈ ৷ বজাৰৰ পৰা উভতি অহাৰ সময়তে কোনো অচিনাক্ত দুৰ্বৃত্তই চোকা অস্ত্ৰৰে অতি নৃশংসভাৱে হত্যা কৰে বৃদ্ধ জনক ৷

ইতিমধ্যে, আৰক্ষীয়ে দুৰ্বৃত্তৰ সন্ধানত অভিযান অব্যাহত ৰাখিছে ৷ বৰ্তমানেও আৰক্ষীয়ে হত্যাকাৰীৰ কোনো শুংসূত্ৰ উলিয়াব পৰা নাই । উল্লেখ্য যে, হত্যাকাৰীৰ এযোৰ হাৱাই চেণ্ডেল আৰক্ষীয়ে মৃতদেহৰ কাষত উদ্ধাৰ কৰিছে ।

লগতে পঢ়ক:বাংলাদেশৰ বৃহৎ সামৰিক অনুশীলনত ভাৰতীয় সেনাৰ দল