মৰাণ, ৯ এপ্ৰিল: ৰাজ্যজুৰি প্ৰস্তুতি চলিছে ব’হাগ বিহুটিক আনন্দ উছাহৰ মাজেৰে আদৰি অনাৰ । প্ৰকৃতিৰ জীপাল পৰিৱেশৰ মাজত ঢোল পেঁপাৰ মাতেৰে ৰজনজনাই গৈছে ৰাজ্যৰ উজনি-নামনি । বিগত বৰ্ষত মহামাৰীৰ বাবে আধৰুৱা হৈ ৰৈছিল ৰঙালী বিহুটি । কিন্তু এইবাৰ সকলোৱে পূৰ্ণ গতিত ৰঙালীক আদৰাৰ বাবে ব্যাপক প্ৰস্তুতি চলোৱা দেখা গৈছে । ৰঙালী বিহুটিক আদৰিবলৈ এতিয়া সকলোৱে আগবাঢ়ি যোৱাৰ লগে লগে ডিব্ৰুগড় চহৰৰ মহাবাহু ব্ৰহ্মপুত্ৰৰ বালি চাপৰিত দেখা গৈছে পূৰ্ৱৰ দৰে মুকলি বিহুৰ দৃশ্য । যাৰ জৰিয়তে হেঁপাহৰ ৰঙালী বিহুক আদৰাৰ প্ৰস্তুতি চলাইছে ডেকা গাভৰুসকলে ।
ৰঙালীৰ ৰঙত জীপাল ডিব্ৰুগড়ৰ মহাবাহুৰ বালি চাপৰি