মৰাণ, ৪ ডিচেম্বৰ: ডিব্ৰুগড়ৰ মৰাণৰ সমীপৰ মাহমৰা বৰবিল মধ্য ইংৰাজী বিদ্যালয়ৰ শিক্ষক প্ৰয়াত প্ৰবীণ গগৈৰ আদ্যশ্ৰাদ্ধৰ লগত সংগতি ৰাখি বুধবাৰে স্মৃতিচাৰণ আৰু গ্ৰন্থ উন্মোচনী সভা অনুষ্ঠিত কৰা হয় ৷ প্ৰয়াত শিক্ষক তথা সাংস্কৃতিক কৰ্মীগৰাকীৰ মাহমৰা কুন্দাৰু বৰবিলস্থিত নিজা বাসগৃহত বিশিষ্ট সাংস্কৃতিক কৰ্মী দ্বিপেন কুমাৰ বৰুৱাৰ সঞ্চালনাত সভাখন অনুষ্ঠিত হয় । স্মৃতিচাৰণ সভাৰ আৰম্ভণিতে প্ৰয়াত প্ৰবীণ গগৈৰ প্ৰতিচ্ছবিৰ সন্মুখত বন্তি প্ৰজ্জ্বলন কৰে বৰবিল মধ্য ইংৰাজী বিদ্যালয়ৰ প্ৰধান শিক্ষক ৰঞ্জিত গগৈয়ে ৷
মৰাণত শিক্ষক-সাংস্কৃতিক কৰ্মী প্ৰবীণ গগৈৰ স্মৃতিচাৰণ সভা সম্পন্ন
মৰাণৰ মাহমৰা কুন্দাৰু বৰবিলত শিক্ষক তথা সাংস্কৃতিক কৰ্মী প্ৰবীণ গগৈৰ স্মৃতিচাৰণ সভা সম্পন্ন । প্ৰয়াত শিক্ষকগৰাকীৰ স্মৃতিত গ্ৰন্থ উন্মোচন । 'প্ৰবীণ গগৈঃ জীৱন আৰু কৃতি' শীৰ্ষক গ্ৰন্থখন উন্মোচন কৰে চৰাইদেউ জিলা সাহিত্য সভাৰ উপ-সভাপতি নিৰঞ্জন ফুকনে ৷
মাহমৰাত প্ৰয়াত প্ৰবীণ গগৈৰ স্মৃতিত গ্ৰন্থ উন্মোচন
সংবাদকৰ্মী নিৰঞ্জন শইকীয়াই আঁত ধৰা স্মৃতিচাৰণ সভাত প্ৰয়াত প্ৰবীণ গগৈৰ 'প্ৰবীণ গগৈঃ জীৱন আৰু কৃতি' শীৰ্ষক গ্ৰন্থখন উন্মোচন কৰে চৰাইদেউ জিলা সাহিত্য সভাৰ উপ-সভাপতি তথা বিশিষ্ট কবি নিৰঞ্জন ফুকনে ৷ গ্ৰন্থ উন্মোচন কৰি নিৰঞ্জন ফুকনে প্ৰবীণ গগৈৰ জীৱন আৰু কৰ্মৰাজিৰ বিষয়ে বক্তব্য আগবঢ়ায় ৷ সভাত শিক্ষক ৰঞ্জিত গগৈ, দুলেশ্বৰ লুখুৰাখন, বেণু প্ৰসাদ পুৰী, পৱিত্ৰ গগৈ, দেৱেশ্বৰ চেতিয়া, কবি নোমল চেতিয়া, সাংস্কৃতিক কৰ্মী ৰাজেন বৰুৱাকে ধৰি কেইবাগৰাকীও বিশিষ্ট ব্যক্তি উপস্থিত থাকে ।
লগতে পঢ়ক:প্ৰথম পৰ্যায়ৰ ভোটগ্ৰহণত বিপিএফ প্ৰতিদ্বন্দিতাত নাই : হিমন্ত বিশ্ব শৰ্মা