মৰাণ,20 ডিচেম্বৰ: তিনিদিনীয়া বৰ্ণাঢ্য কাৰ্যসূচীৰে মৰাণত অনুষ্ঠিত হ'ব টাই আহোম যুৱ পৰিষদ অসমৰ পঞ্চম বাৰ্ষিক কেন্দ্ৰীয় অধিৱেশন তথা ৰূপালী জয়ন্তী বৰ্ষৰ সামৰণি অনুষ্ঠান ৷ টাইপাৰ কেন্দ্ৰীয় সমিতিৰ আহ্বানত, মৰাণ মহকুমা সমিতিৰ লগতে বিভিন্ন জিলা আৰু মহকুমা সমিতিৰ উদ্যোগত আৰু মৰাণৰ ৰাইজৰ সহযোগত এই পঞ্চম বাৰ্ষিক কেন্দ্ৰীয় অধিৱেশন অনুষ্ঠিত হ'ব ৷ মৰাণৰ তিলৈনগৰত গ্ৰাম্য বজাৰত 26, 27 আৰু 28 ডিচেম্বৰত এই অধিৱেশন অনুষ্ঠিত হ'ব ।
মৰাণৰ তিলৈনগৰত গ্ৰাম্য বজাৰত এই অধিৱেশন অনুষ্ঠিত হ'ব অধিৱেশনৰ উদযাপন সমিতিৰ সভাপতি সূৰ্য বৰগোঁহাইয়ে জানিবলৈ দিয়ে যে 28 ডিচেম্বৰত অধিৱেশনৰ সামৰণি মুকলি সভালৈ অসমৰ মুখ্যমন্ত্ৰী সৰ্বানন্দ সোণোৱালক নিমন্ত্ৰণ জনোৱা হৈছে ৷ এই অধিৱেশনতে টাইপাৰ এখন পুৰ্ণাংগ কেন্দ্ৰীয় সমিতি গঠন কৰা হ'ব বুলি জানিব পৰা গৈছে ৷ অধিবেশন থলীত গ্ৰন্থ মেলা, জনগোষ্ঠীয় খাদ্য মেলা, প্ৰদৰ্শনীৰ লগতে বিভিন্ন জাতি জনগোষ্ঠীৰ সাংস্কৃতিক অনুষ্ঠান অনুষ্ঠিত হ'ব বুলি উদ্যোক্তা সকলে জানিবলৈ দিছে ৷
লগতে পঢ়ক:আগন্তুক নিৰ্বাচনত শিৱসাগৰ সমষ্টিত আঞ্চলিক দলৰ উমৈহতীয়া প্ৰাৰ্থী হ’ব অখিল গগৈ
