"ইতিহাস নজনা জধামূৰ্খ বিধায়ক"-আটাছু

অসমৰ ইতিহাস নজনা জধামূৰ্খ আখ্যা দি সাম্প্ৰদায়িক মন্তব্য কৰা ধিং সমষ্টিৰ বিধায়ক আমিনুল ইছলামক গ্ৰেপ্তাৰৰ দাবীত টিংখাঙত উত্তাল প্ৰতিবাদ ৷ বিধায়ক আমিনুল ইছলামৰ প্ৰতিমূৰ্তি জ্বলাই প্ৰতিবাদ সাব্যস্ত কৰে টাই আহোম ছাত্ৰ সন্থা ৰাজগড় আঞ্চলিক সমিতিয়ে ৷

টিংখাং,12 ফেব্ৰুৱাৰীঃসাম্প্ৰদায়িক মন্তব্য কৰাৰ বিৰোধিতাৰে ধিং সমষ্টিৰ বিধায়ক আমিনুল ইছলামক গ্ৰেপ্তাৰৰ দাবীত টিংখাঙত উত্তাল প্ৰতিবাদ । টিংখাঙৰ ৰাজগড়ত আটাছু ৰাজগড় আঞ্চলিক সমিতিয়ে মৰাণ-নাহৰকটিয়া পথৰ ওপৰত বিধায়ক আমিনুল ইছলামৰ প্ৰতিমূৰ্তি জ্বলাই সাব্যস্ত কৰে উত্তাল প্ৰতিবাদ। প্ৰতিবাদকাৰী সকলে বিধায়ক আমিনুল ইছলামে আহোমক কৰা চৰম অপমান কোনো কাৰণতে সহ্য কৰা নহ'ব বুলি কৈ বৰ অসম গঠন কৰা আহোম জাতিক চৰম অপমান কৰাৰ অধিকাৰ ক'ত পালে বুলি কৈ ইতিহাস নজনা জধামূৰ্খ বিধায়ক আখ্যা দি আমিনুল ইছলামক অতিশীঘ্ৰে গ্ৰেপ্তাৰ নকৰিলে পৰিস্থিতি অতি ভয়াৱহ হ'ব আৰু ইয়াৰ বাবে প্ৰশাসনেই জগৰীয়া হ'ব বুলি সকীয়াই দিয়ে টাই আহোম ছাত্ৰ সন্থা ৰাজগড় আঞ্চলিক সমিতিয়ে ৷

লগতে পঢ়কঃকৰিমগঞ্জত 7 দিনত 7টাকৈ শিশুৰ মৃত্যু