মৰাণ, 16 আগষ্ট :প্ৰতিভা আৰু একাগ্ৰতা থাকিলে মানুহে যিকোনো অসম্ভৱ কাম সম্ভৱ কৰি তুলিবলৈ সক্ষম হয় ৷ তাৰেই এক উদাহৰণ দাঙি ধৰিছে মৰাণৰ বেজৰচুক বঙালী গাঁৱৰ যুৱক সীমান্ত গগৈয়ে । মাতৃ দীপা গগৈ আৰু পিতৃ দুলাল গগৈৰ সন্তান সীমান্তই নতুন চিন্তা-চৰ্চাৰে চিত্ৰজগতলৈ এক নতুনত্ব কঢ়িয়াই অনাৰ চেষ্টা চলাইছে । চিত্ৰশিল্পীগৰাকীয়ে ৭৫ সংখ্যক স্বাধীনতা দিৱস উপলক্ষে জুই শিখাৰে অংকন কৰি উলিয়াইছে জাতিৰ পিতা মাহাত্মা গান্ধীৰ প্ৰতিচ্ছবি ।
জুই শিখাৰে মহাত্মা গান্ধীৰ প্ৰতিচ্ছবি অংকন জুই শিখাৰে অংকন কৰা প্ৰতিচ্ছবিৰে শিল্পী সীমান্ত গগৈয়ে ৰাজ্যবাসীক জনালে স্বাধীনতা দিৱসৰ শুভেচ্ছা । উল্লেখ্য যে, ইয়াৰ পূৰ্বে কলাগুৰু বিষ্ণু প্ৰসাদ ৰাভাৰ এখন ছবি জুইৰে অংকন কৰি অসম তথা সমগ্ৰ দেশলৈ গৌৰৱ কঢ়িয়াই আনিছিল মৰাণৰ সীমান্ত গগৈয়ে । প্ৰায় ৭ ফুট দীঘল আৰু ৫ ফুট ৯ ইঞ্চি বহল কলাগুৰু বিষ্ণু প্ৰসাদ ৰাভাৰ এখন ছবি জুইৰে অংকন কৰি অসম বুক অৱ ৰেকৰ্ডছৰ লগতে ইণ্ডিয়া বুক অৱ ৰেকৰ্ডছতো নাম সন্নিৱিষ্ট কৰিবলৈ সক্ষম হৈছিল সীমান্ত গগৈ ।
লগতে পঢ়ক :প্ৰাক্তন সাংসদ সুস্মিতা দেৱৰ দল ত্যাগ, শীঘ্ৰেই তৃণমূললৈ
