ডিব্ৰুগড়, 24 ছেপ্টেম্বৰঃসোমবাৰে শিলচৰত মন্ত্ৰী হিমন্ত বিশ্ব শৰ্মাই চলিত বৰ্ষৰ ভিতৰত কেন্দ্ৰীয় চৰকাৰে নাগৰিকত্ব সংশোধনী বিল আইনত পৰিণত কৰিব বুলি ঘোষণা কৰাৰ পিছতেই তীব্ৰ প্ৰতিক্ৰিয়া প্ৰকাশ কৰিছে সদৌ অসম ছাত্ৰ সন্থাৰ সাধাৰণ সম্পাদক লুৰিণজ্যোতি গগৈয়ে । হিমন্ত বিশ্ব শৰ্মাই কৈছিল যে,
'' যদি কোনে বাধা নাহে, তেতিয়া হ’লে নাগৰিকত্ব সংশোধনী বিধেয়কখন নৱেম্বৰত গৃহীত কৰা হ’ব'' ৷
মংগলবাৰে নাহৰকটীয়াত এই সংক্ৰান্তত লুৰিণজ্যোতি গগৈয়ে প্ৰতিক্ৰিয়া প্ৰকাশ কৰি কয় যে,
''বিজেপি আৰু কংগ্ৰেছ দুয়োটা দলেই নিজ নিজ স্বাৰ্থত হিন্দু আৰু মুছলমান বাংলাদেশী সকলক নাগৰিকত্ব দিয়াৰ পোষকতা কৰি আহিছে ৷ কিন্তু ১৯৭১ চনৰ পিছত অহা কোনো লোককে নাগৰিকত্ব নিদিয়াৰ স্থিতি স্পষ্ট কৰিছে আছুৱে ।''
নাগৰিকত্ব সংশোধনী বিধেয়কক লৈ লুৰিণজ্যোতি গগৈৰ প্ৰতিক্ৰিয়া
আনহাতে যদিহে কেন্দ্ৰীয় চৰকাৰে এই বিলখন আইনত ৰূপায়ন কৰাৰ চেষ্টা কৰে তেন্তে সদৌ অসম ছাত্ৰ সন্থাই সমগ্ৰ উত্তৰ পূৰ্বাঞ্চলবাসীৰ লগত ঐক্যবদ্ধ সংগ্ৰাম আৰম্ভ কৰি ইয়াৰ বিৰুদ্ধে প্ৰতিৰোধ চলাই যাব ।
