মৰাণ, 17 এপ্ৰিল :অসমীয়া নৱবৰ্ষৰ প্ৰথম দিনাই এক ব্যতিক্ৰমী পদক্ষেপেৰে ৰাইজৰ কাষত থিয় দিলে অসম জাতীয় পৰিষদ । নাহৰকটীয়াৰ ২ নং ঘুৰণীয়াৰ ভাটিবিল গাঁৱৰ এটি দৰিদ্ৰ পৰিয়ালৰ কাষত সকাহ হৈ থিয় দিলে লুৰীণ জ্যোতি গগৈয়ে । ৰ'দ-বৰষুণক প্ৰত্যাহ্বান জনাই এটা জৰাজীৰ্ণ বাসগৃহত দুটি সন্তানসহ সন্তোষ গোৱালাৰ পৰিয়ালটোৱে বসবাস কৰি আহিছিল । দিন হাজিৰা কৰা সন্তোষৰ সামৰ্থ নাছিল ঘৰটো পুনৰ নিৰ্মাণ কৰাৰ । কিন্তু কোনো চৰকাৰী অভিলাষী আঁচনিয়ে ঢুকি নোপোৱা পৰিয়ালটোৰ কাষত ৰঙালীৰ ৰং হৈ উপস্থিত হ'ল লুৰীণ জ্যোতি গগৈ আৰু অসম জাতীয় পৰিষদৰ সদস্যসকল ।
নাহৰকটীয়াৰ এটি দৰিদ্ৰ পৰিয়ালৰ কাষত থিয় দিলে এজেপিয়ে