মৰাণ, 29 মে' :সমগ্ৰ ডিব্ৰুগড় জিলাৰ ক'ভিড পৰিস্থিতি আজিও অনিয়ন্ত্ৰিত হৈ আছে । ইতিমধ্যে জিলাখনৰ বহু গাঁৱৰ লগতে চাহ বাগিচা অঞ্চল কন্টেইনমেন জ'ন ঘোষণা কৰিছে স্বাস্থ্য বিভাগে । কোৱাৰেন্টাইনত থকা লোক সকলক চৰকাৰে সহায় কৰাৰ বাবে ব্যৱস্থা গ্ৰহণ কৰিছে যদিও সেইয়া আজি দিনটোলৈকে পৰ্যাপ্ত হৈ উঠা নাই ।
খোৱাঙৰ ক'ভিড আক্ৰান্তৰ কাষত লুৰিণজ্যোতি গগৈ
শনিবাৰে মৰাণ সমষ্টিৰ খোৱাঙৰ বিভিন্ন অঞ্চলত কোৱাৰেন্টাইনত থকা লোক সকলৰ সহায়ৰ বাবে আগবাঢ়ি আহিল লুৰিণজ্যোতি গগৈৰ লগতে অসম জাতীয় পৰিষদৰ বিষয়ববীয়া । অজাপৰ সভাপতি জনে খোৱাং বৰপথাৰ, দীঘলীয়াহোলা, চেতীয়া গাঁও, শিলপুটা, শেনচোৱা পুখুৰীকে আদি কৰি খোৱাঙৰ বহু অঞ্চলত ক'ভিডত আক্ৰান্ত হৈ ঘৰতে আৱদ্ধ হৈ থকা পৰিয়াল সমূহৰ সৈতে মত বিনিময় কৰাৰ লগতে খাদ্য সামগ্ৰী যোগান ধৰে ।