টিংখাং, 26 ছেপ্তেম্বৰ: অসম আৰক্ষীৰ উপ পৰিদৰ্শকৰ লিখিত পৰীক্ষাৰ গাফিলতিত টিংখাঙৰ বিধায়ক বিমল বৰাৰ নাম সাঙোৰ খোৱাৰ বাতৰি বৈদ্যুতিন মাধ্যমত সম্প্ৰচাৰ হোৱা পাচতে বিধায়ক গৰাকীৰ বিৰুদ্ধে টিংখাঙত উত্তাল প্ৰতিবাদ ।
শনিবাৰে টিংখাঙৰ ৰাজগড়ত কৃষক মক্তি সংগ্ৰাম সমিতি, ছাত্ৰ মুক্তি সংগ্ৰাম সমিতিৰ লগতে ‘কা’ বিৰোধী ঐক্য মঞ্চই বিধায়ক বিমল বৰাৰ পুত্তলিকা দাহ কৰি তীব্ৰ প্ৰতিবাদ সাব্যস্ত কৰে । বিমল বৰা মূৰ্দাবাদ, সৰ্বানন্দ সোণোৱাল মূর্দাবাদ, গৃহ বিভাগ হায় হায়, এছআই পৰীক্ষাৰ প্ৰশ্নকাকত ফাদিলৰ তদন্ত চিআইডিৰ সলনি চিবিআইক দিয়ক আদি শ্ল’গানাৰে টিংখাঙৰ আকাশ-বতাহ কঁপাই তোলে সংগঠনকেইটাই । ইয়াৰ ক্ষীপ্ৰ তদন্ত কৰি অতি শীঘ্ৰেই দোষীক গ্ৰেপ্তাৰৰ দাবী জনালে প্ৰতিবাদকাৰীসকলে ৷
লগতে পঢ়ক:প্ৰাক্তন মুখ্যমন্ত্ৰী তৰুণ গগৈৰ আশু আৰোগ্য কামনাৰে সৰ্বধৰ্মীয় প্ৰাৰ্থনা
