মৰাণ, 14 জুলাই : ৰাজ্যৰ বিভিন্ন প্ৰান্তত দুষ্টচক্ৰই (HUMAN ORGAN) মানৱ অংগ বিক্ৰীৰ জাল পেলাইছে । কোনোবাই যদি প্ৰত্যাখান কৰিছে আকৌ কোনো পৰিছে দুষ্টচক্ৰৰ জালত । মধ্যবিত্ত শ্ৰেণীৰ পৰিয়াল সমূহৰ লগতে দৰিদ্ৰ পৰিয়ালৰ এই ক'ভিড সৃষ্ট পৰিৱেশৰ সময়ত দুখে কুলাই-পাচিয়ে নধৰা হৈছে । এই সময়ত এই পৰিয়াল সমূহে এমুঠি ভাতৰ কাৰণে হাহাকাৰ কৰিব লগীয়াত পৰিছে তাতে আকৌ বজাৰত অত্যাৱশ্যকীয় সামগ্ৰীৰ জুই চাই দাম ।
নিয়াৰিকৈ চলাব পৰা নাই নিজৰ পৰিয়াল। এসাঁজ খালে এসাঁজ খাবলৈ চিন্তা। এই সময়তে এচাম দালাল দুষ্ট চক্ৰই সুবিধা বুজি দৰিদ্ৰতাৰ সুযোগ গ্ৰহণ কৰি চলাইছে মানৱ অংগৰ বেহা ৷ দিন হাজিৰা কৰি খোৱা কিছুমান সহজ সৰল লোকক বহিঃ ৰাজ্যলৈ নি কিডনী বিক্ৰী কৰাই সিংহ ভাগ টকা লগত ৰাখি এক অংশহে টকা বিক্ৰেতা জনৰ হাতত দিয়ে বুলি জানিব পৰা গৈছে ।
মৰিগাঁও,নগাঁওৰ পাচত এইবাৰ ডিব্ৰুগড়ত ওলাইছে কিডনী বিক্ৰী কৰা লোক