মৰাণৰ আহোম পথাৰৰ পৰা আৰম্ভ হ'ব অসমৰ আঞ্চলিকতাবাদৰ নতুন ধাৰা

ৰাজ্যত আঞ্চলিকতাবাদী নতুন ধাৰা প্ৰতিষ্ঠাৰ লক্ষ্যৰে ৰাজ্যত উত্থান হোৱা ৰাইজৰ দলৰ প্ৰথমখন ৰাজ্যিক অভিবৰ্তন বৃহস্পতিবাৰৰ পৰা মৰাণৰ মৰাণৰ নতুন নগৰৰ আহোম পথাৰৰ মহাবীৰ লাচিত বৰফুকন ক্ষেত্ৰত অনুষ্ঠিত হ'ব ৷ ইতিমধ্যে প্ৰস্তুতি শেষ হোৱা অভিবৰ্তনৰ স্থলী পৰিদৰ্শন কৰি কেইবাটাও গুৰুত্বপূৰ্ণ মন্তব্য প্ৰকাশ কৰিলে ৰাইজৰ দলৰ নেতা কমল কুমাৰ মেধিয়ে ৷

মৰাণ, 6 জানুৱাৰী : কা' আন্দোলনৰ পটভূমিত ৰাজ্যত আঞ্চলিকতাবাদী নতুন ধাৰা প্ৰতিষ্ঠাৰ লক্ষৰে জান্ম হোৱা ৰাইজ দলৰ প্ৰথমখন ৰাজ্যিক অভিবৰ্তন 7 জানুৱাৰী পৰা তিনিদিনীয়া কাৰ্যসূচীৰে মৰাণত অনুষ্ঠিত হ'ব ৷ ডিব্ৰুগড়, তিনিচুকীয়া, শিৱসাগৰ আৰু চৰাইদেউ জিলা সমিতিৰ উদ্যোগত তথা মৰাণবাসী ৰাইজৰ সহযোগত অনুষ্ঠিত হ'বলগীয়া এই অভিবৰ্তনৰ প্ৰস্তুতি ইতিমধ্যে সমাপ্ত হৈছে ৷

বুধবাৰে মৰাণৰ নতুন নগৰৰ আহোম পথাৰৰ মহাবীৰ লাচিত বৰফুকন ক্ষেত্ৰত অনুষ্ঠিত হ'বলগা এই অভিৱৰ্তনৰ স্থলী পৰিদৰ্শন কৰে কমল কুমাৰ মেধিয়ে ৷ ইয়াৰ পিচতেই সাংবাদিকক সম্বোধন কৰি তেওঁ কয়, মৰাণত অনুষ্ঠিত হ'বলগীয়া 'ৰাইজৰ দল'ৰ এই অভিৱৰ্তনৰ পিচতেই অসমত নতুন আঞ্চলিকবাদী ৰাজনৈতিক ধাৰা আৰম্ভ হ'ব । অসমীয়া জাতিটোক নতুন ধৰণেৰে আগবঢ়াই নিয়াৰ বাবে এই অধিবেশনত দলৰ বিষয়ববীয়াৰ লগতে কাৰ্যকৰ্তাৰ তথা সদস্য-সদস্যাসকলে শপত ল'ব বুলি মন্তব্য প্ৰকাশ কৰে কমল কুমাৰ মেধিয়ে ৷

ৰাইজৰ দলৰ নেতাজনে লগতে কয় যে, ২১ ত সন্মিলিত আঞ্চলিক শক্তিয়েই চৰকাৰ গঠন কৰিব । সমন্তৰালভাৱে বিজেপিয়ে সাম্প্ৰদায়িক মেৰুকৰণৰ ৰাজনীতি কৰা অভিযোগ তুলি মৰাণৰ অধিবেশনতে বিজেপিক বিদায় দিয়া হ'ব বুলি এক প্ৰত্যাহ্বানমূলক মন্তব্য প্ৰকাশ কৰে মেধিয়ে ।

উল্লেখ্য যে, অখিল গগৈয়ে কাৰাগাৰৰ পৰা ওলাই ৰাইজৰ দলৰ নেতৃত্ব ল'ব বুলি জানিবলৈ দিছে কমল কুমাৰ মেধিয়ে ৷

লগতে পঢ়ক:কৰ'ণা ভাইৰাছতকৈ অধিক ভয়ানক কংগ্ৰেছঃ অতুল বৰা