ডিব্ৰুগড়,10 অক্টোবৰ: শুকুৰবাৰে নিশা এজন কেমেৰা সাংবাদিকক আক্ৰমণ কৰা আন এটা প’ৰ্টেলৰ অভিযুক্ত সাংবাদিকক গ্ৰেপ্তাৰ কৰে ডিব্ৰুগড় আৰক্ষীয়ে । ডিব্ৰুগড়ৰ বৰবৰুৱা থানাৰ অন্তৰ্গত অতি ভিতৰুৱা মধুপুৰ পাৰলিগুৰীত আত্মগোপন কৰি থকা অৱস্থাত অভিযুক্ত সাংবাদিকজনক গ্ৰেপ্তাৰ কৰে আৰক্ষীয়ে ।
ডিব্ৰুগড়ত সাংবাদিক আক্ৰমণকাৰী আন এজন সাংবাদিক গ্ৰেপ্তাৰ
অভিযোগ অনুসৰি,8 অক্টোবৰত ডিব্ৰুগড় জিলা বিজেপি কাৰ্যলয়ত অনুষ্ঠিত এক সংবাদমেলৰ অন্তত এটা বৈদ্যুতিন সংবাদ মাধ্যমৰ কেমেৰা সাংবাদিক তাহিৰ হুছেইনক উপৰ্যুপৰি আক্ৰমণ কৰাৰ লগতে আন কেইবাজনকো আক্ৰমণ কৰিছিল মৃদুল হাজৰিকা নামৰ আন এজন সাংবাদিকে।