নাহৰকটীয়া,12 মাৰ্চ : ডিব্ৰুগড়ৰ নাহৰকটীয়াত ব্যক্তিগত প্ৰচেষ্টাৰে বুঢ়ীদিহিং নৈৰ খহনীয়া ৰোধ অভিযানত নামি পৰিছে এজন লোক ৷ ৰাজ্যত নিৰ্বাচনকেন্দ্ৰিক ব্যস্ততাৰ মাজতে নিজৰ পকেটৰ পৰা পাঁচ লক্ষাধিক টকা ব্যয় কৰি নৈৰ পাৰত জিঅ’ বেগ স্থাপন কৰিছে ইয়াকুব আহমেদ নামৰ ব্যৱসায়ীজনে ৷
খহনীয়া ৰোধৰ প্ৰয়াস এজন ব্যৱসায়ীৰ
নাহৰকটীয়া নগৰৰ সমীপৱৰ্তী বানাক্ৰান্ত এলেকা জাগুণত থকা ইটাভাটাটোৰ স্বত্বাধিকাৰী ইয়াকুব আহমেদ ৷ ইটাভাটাৰ পৰা উপাৰ্জিত আয়েৰে ইয়াকুব আহমেদে বুঢ়ীদিহিঙৰ পাৰত খহনীয়া ৰোধৰ বাবে স্থাপন কৰিছে জিঅ’ বেগ ৷ বিগত 20 টা দিনত 100 মিটাৰৰো অধিক দৈৰ্ঘ এলেকাৰ নৈৰ পাৰত জিঅ’ কাৰ্পেট আৰু জিঅ’ বেগ স্থাপন কৰিছে এইজন ব্যৱসায়ীয়ে ৷