মৰাণ,28 মাৰ্চ: ডিব্ৰুগড়ত সংঘটিত হৈছে মানৱ সমাজক লজ্জানত কৰা এক ঘটনা । সম্ভ্ৰান্ত ডিব্ৰুগড় চহৰত সংঘটিত হোৱা এই ঘটনাই সৃষ্টি কৰিছে তীব্ৰ চাঞ্চল্য । পাষণ্ড পিতৃ-মাতৃয়ে জীৱন্তে গাঁতত পুতি থোৱা অৱস্থাত উদ্ধাৰ হৈছে এটি নৱজাতক । চহৰখনৰ পদুম নগৰৰ গাতৰ পৰা জীৱন্তে নৱজাতকটিক উদ্ধাৰ কৰিছে স্থানীয় লোকে। স্থানীয় লোকে জানিবলৈ দিয়া মতে, দেওবাৰে দিনৰ ভাগত নৱজাতকটিক মাটিত পুতি থোৱা স্থানটো মেকুৰীয়ে খান্দি অৱস্থাত দেখা পাইছিল ।
জীৱন্তে গাতত পুতি থোৱা অৱস্থাত উদ্ধাৰ নৱজাতক
তাৰ পিছতে সন্দেহৱশত স্থানীয় লোকে গাতটো খন্দাৰ পিছতে নৱজাতক শিশুটোক জীৱন্তে উদ্ধাৰ কৰিবলৈ সক্ষম হয়। লগে লগে গাভৰুপথাৰ আৰক্ষী চকীক খবৰ দিয়ে স্থানীয় লোকে আৰু নৱজাতক শিশুটিক চিকিৎসাৰ বাবে অসম চিকিৎসা মহাবিদ্যালয়লৈ প্ৰেৰণ কৰা হয় ।