সোণাৰিত এগৰাকী ছাত্ৰৰ ব্যতিক্ৰমী পদক্ষেপ

প্ৰান্তে প্ৰান্তে ৰঙালীক আদৰাৰ প্ৰস্তুতি চলি থকাৰ মাজতে ডিব্ৰুগড়ৰ সোণাৰিত এজন যুৱক ব্যস্ত হৈ পৰিছে আন এক প্ৰশংসনীয় কামত ৷ শ্বিলঙৰ চেন্ট এডমাণ্ড কলেজৰ প্ৰাচুৰ্য বৰগোহাঁই নামৰ ছাত্ৰজনে চহৰ খনৰ পদপথৰ বাসিন্দা সকলৰ মাজত এসাঁজ খাদ্যৰ লগতে বস্ত্ৰ, চেণ্ডেল আৰু অসমীয়াৰ স্বাভিমান একোখনকৈ গামোচা উপহাৰ দিয়ে ।

মৰাণ,12 এপ্ৰিল : ৰাজ্যত নিৰ্বাচনী ব্যস্ততা শাম কটাৰ সময়তে প্ৰতিজন অসমীয়া আকৌ ব্যস্ত হৈ পৰিল ৰঙালীক আদৰিবলৈ ৷ প্ৰান্তে প্ৰান্তে ৰঙালীক আদৰাৰ প্ৰস্তুতি চলি থকাৰ মাজতে ডিব্ৰুগড়ৰ সোণাৰিত এজন যুৱক ব্যস্ত হৈ পৰিছে আন এক প্ৰশংসনীয় কামত ৷ শ্বিলঙৰ চেন্ট এডমাণ্ড কলেজৰ প্ৰাচুৰ্য বৰগোহাঁই নামৰ ছাত্ৰজনে চহৰ খনৰ পদপথৰ বাসিন্দা সকলৰ মাজত এসাঁজ খাদ্যৰ লগতে বস্ত্ৰ, চেণ্ডেল আৰু অসমীয়াৰ স্বাভিমান একোখনকৈ গামোচা উপহাৰ দিয়ে ৷

সোণাৰিৰ বাসিন্দা তথা সমাজকৰ্মী বিপুল বৰগোহাঁইৰ পুত্ৰ প্ৰাচুৰ্য বৰগোহাঁইয়ে গ্ৰহণ কৰা এনে পদক্ষেপক সমগ্ৰ চহৰখনৰ লোকে প্ৰশংসা কৰিছে ৷ পদপথৰ বাসিন্দা আৰু মানসিকভাৱে দুৰ্বল লোকসকলক সহায়ৰ হাত আগবঢ়োৱাত প্ৰশংসাৰ পাত্ৰ হৈছে ছাত্ৰজন ৷

লগতে পঢ়ক: ৰঙালীৰ ৰঙেৰে ভৰিছে মহানগৰী