ডিব্ৰুগড়, 23 ফেব্ৰুৱাৰী : ডিব্ৰুগড়ৰ আৰক্ষীয়ে মঙলবাৰে ড্ৰাগছ বিৰোধী এক অভিযান চলাই ৮০ গ্ৰাম হেৰ'ইন জব্দ কৰিবলৈ সক্ষম হয় ।ডিব্ৰুগড়ৰ জগনাথ মন্দিৰ সমীপৰ পৰা আৰক্ষীয়ে হেৰ'ইনখিনি জব্দ কৰা লগতে চাৰিজন সৰবৰাহকাৰীকো আটক কৰে ৷
আৰক্ষীৰ সূত্ৰই সদৰি কৰা মতে, এক গোপন সূত্ৰৰ পম খেদি AS-01M-0178 নম্বৰ এখন বাহনত হেৰ'ইন খিনি কঢ়িয়াই আনি থকাৰ অৱস্থাত সৰবৰাহকাৰী কেইজনক আটক কৰে আৰক্ষীয়ে । সৰবৰাহকাৰী কেইজনৰ নাম ক্ৰমে শৰৎ শইকীয়া, উদ্দিপ্ত বৰা, নিকী শইকীয়া আৰু টুটু আলি ৷