SONY TVৰ ছুপাৰ ছিংগাৰত দ্বিতীয় ৰাৰ্ণাচ আপৰ খিতাপ লৈ মাতৃভূমি পালেহি হৰ্ষিত

শিৱসাগৰৰ ৮ বছৰীয়া শিশু হৰ্ষিত নাথে ছনি টিভিৰ জনপ্ৰিয় ৰিয়েলিটি শ্ব' ছুপাৰ ছিংগাৰৰ জৰিয়তে ফাইনেলত প্ৰৱেশ কৰাৰ লগতে দ্বিতীয় ৰাৰ্ণাচ আপৰ খিতাপ দখল কৰি দেশৰ অগণন লোকক মোহিত কৰি ৰাজ্যবাসীলৈও গৌৰৱ কঢ়িয়াই আনিছে ৷

ডিব্ৰুগড়, 2 অক্টোবৰঃনিজৰ যাদুকৰী কণ্ঠৰে দেশৰ কোটি কোটি শ্ৰোতা দর্শকক মোহাচ্ছন্ন কৰি বুধবাৰে জন্মভূমিত উপস্থিত শিশু শিল্পী হৰ্ষিত নাথ । মুম্বাইৰ পৰা পোনে পোনে ডিব্ৰুগড়ৰ মোহনবাৰী বিমানবন্দৰত উপস্থিত হৈয়ে ৰাজ্যবাসীৰ মৰম আৰ্শীবাদৰ বাবে ধন্যবাদ জনালে হৰ্ষিতে । শিৱসাগৰৰ ৮ বছৰীয়া শিশু হৰ্ষিত নাথে ছনি টিভিৰ জনপ্ৰিয় ৰিয়েলিটি শ্ব' ছুপাৰ ছিংগাৰৰ জৰিয়তে ফাইনেলত প্ৰৱেশ কৰাৰ লগতে দ্বিতীয় ৰাৰ্ণাচ আপ খিতাপ দশল কৰি দেশৰ অগণন লোকৰ মৰম বুটলি ৰাজ্যবাসীলৈও গৌৰৱ কঢ়িয়াই আনে । আনহাতে, শিৱসাগৰৰ ধ্ৰুৱ নাথ আৰু চুজুকী নাথৰ পুত্ৰ হৰ্ষিত নাথে জিলাখনলৈ গৌৱৰ কঢ়িয়াই অনাৰ বাবে ডিব্ৰুগড়ৰ মোহনবাৰী বিমানবন্দৰত সম্বৰ্ধনা জ্ঞাপন কৰে বহুসংখ্যক শুভাকাংশীয়ে । লগতে সমদলেৰে গৃহচহৰ শিৱসাগৰলৈ আদৰি নিয়ে শিশু শিল্পীগৰাকীক ।