ডিব্ৰুগড়, ৩০ জানুৱাৰী: মৰাণ আঞ্চলিক গোৰ্খা ছাত্ৰ সন্থা আৰু চন্দ্ৰ আৰন্ধৰা মেমৰিয়েল ফাউণ্ডেশ্যনৰ সহযোগিতাত ডিব্ৰুগড়ত বিনামূলীয়া চকু চিকিৎসা শিবিৰ আৰু স্বাস্থ্য সজাগতা সভা আয়োজন কৰা হয় । শুকুৰবাৰে ডিব্ৰুগড় জিলাৰ মৰাণ বিধান সভা সমষ্টিৰ ৰাংচালি গাঁও পঞ্চায়তৰ অন্তৰ্গত ৰাংচালি, চুৰেন মেমৰিয়েল বিদ্যালয়ৰ প্ৰাঙ্গণত অনুষ্ঠিত কৰা চকু চিকিৎসা শিবিৰৰ ।
ডা: ৰিক্তম বৰগোঁহাইৰ নেতৃত্বত চকু চিকিৎসা শিবিৰ অনুষ্ঠানত উপস্থিত থাকে মৰাণ সমষ্টিৰ বিধায়ক চক্ৰধৰ গগৈৰ লগতে বহু কেইজন বিশিষ্ট ব্যক্তি । উক্ত চকু চিকিৎসা শিবিৰৰ জৰিয়তে অঞ্চলটোৰ শতাধিক লোকে বিনামূলীয়াকৈ চকু চিকিৎসা কৰে ।