ব্যৰ্থতা ঢাকিবলৈ বৰ্ষপুৰ্তিৰ আয়োজন: প্ৰাক্তন মন্ত্ৰী এতোৱা মুণ্ডাৰ

আজি ড৹ হিমন্ত বিশ্ব শৰ্মা নেতৃত্বাধীন ৰাজ্য চৰকাৰৰ এবছৰীয়া বৰ্ষপুৰ্তি(First anniversary of BJP government) ৷ কেন্দ্ৰীয় গৃহমন্ত্ৰী অমিত শ্বাহে অংশগ্ৰহণ কৰিছে চৰকাৰৰ এবছৰীয়া বৰ্ষপুৰ্তি অনুষ্ঠানত ৷ তাৰ বিপৰীতে প্ৰাক্তন বনমন্ত্ৰী তথা কংগ্ৰেছৰ জ্যেষ্ঠ নেতা এতোৱা মুণ্ডা(Former minister Atua munda criticize BJP government) ই এই চৰকাৰৰ বিৰুদ্ধে তীব্ৰ অসন্তুষ্টিৰে প্ৰকাশ কৰিছে প্ৰতিক্ৰিয়া ৷

মৰাণ, 10 মে’ :ৰাজ্যৰ শাসনৰ গাদীত অধিষ্ঠিত হোৱাৰ এবছৰ সম্পূৰ্ণ হ’ল ড৹ হিমন্ত বিশ্ব শৰ্মা নেতৃত্বাধীন বিজেপিৰ মিত্ৰজোঁট চৰকাৰৰ ৷ যাৰবাবে মঙলবাৰে ৰাজ্য চৰকাৰে বৰ্ণাঢ্য কাৰ্যসূচীৰে অনুষ্ঠিত কৰিছে বৰ্ষপুৰ্তি(First anniversary of BJP government) ৰ অনুষ্ঠান ৷ কেন্দ্ৰীয় গৃহমন্ত্ৰী অমিত শ্বাহে অংশগ্ৰহণ কৰিছে চৰকাৰৰ এবছৰীয়া বৰ্ষপুৰ্তিত ৷

তাৰ বিপৰীতে প্ৰাক্তন বনমন্ত্ৰী তথা কংগ্ৰেছৰ জ্যেষ্ঠ নেতা এতোৱা মুণ্ডা(Former minister Atua munda criticize BJP government) ই এই চৰকাৰৰ বিৰুদ্ধে তীব্ৰ অসন্তুষ্টিৰে প্ৰকাশ কৰিছে প্ৰতিক্ৰিয়া ৷ মুণ্ডাই হিমন্ত বিশ্ব শৰ্মা নেতৃত্বাধীন চৰকাৰখনক সমালোচনা কৰি কয় যে, ৰাজ্য চৰকাৰে নিজৰ ব্যৰ্থতা ঢাকিবলৈহে বৰ্ষপুৰ্তি অনুষ্ঠানৰ আয়োজন কৰিছে ৷

ৰাইজক দিয়া প্ৰতিশ্ৰুতিসমূহ পাহৰাই ৰাখিবলৈ চৰকাৰে সঘনাই এনেকুৱা অনুষ্ঠানৰ আয়োজন কৰে বুলি তীব্ৰ কটাক্ষ কৰে প্ৰাক্তন মন্ত্ৰীগৰাকীয়ে ৷ একমাত্ৰ ভোটবেংকৰ স্বাৰ্থত হিতাধিকাৰী সৃষ্টিত ব্যস্ত ৰাজ্য চৰকাৰে মূল্যবৃদ্ধিৰ প্ৰসংগত আজিও নীৰৱ ভূমিকা গ্ৰহণ কৰিছে ৷ মাথো প্ৰতিটো বিতৰ্কিত বিষয় বা ৰাজ্যৰ সমস্যা কেন্দ্ৰীয় চৰকাৰলৈ ঠেলি দি দায় সাৰিব বিচাৰে বুলিও চৰকাৰক সমালোচনা কৰে প্ৰাক্তন কংগ্ৰেছী মন্ত্ৰী এতোৱা মুণ্ডাই ৷

লগতে চাওক:হিমন্ত চৰকাৰৰ প্ৰথম বৰ্ষপূৰ্তি পালনৰ বাবে পূৰ্ণ গতিত চলিছে প্ৰস্তুতি