মৰাণ, 6 ফেব্ৰুৱাৰী:অসমৰ ভিন্ন প্ৰান্তৰ সুপ্ত প্ৰতিভা সমূহ উলিয়াই অনাৰ উদ্দেশ্যেৰে সদৌ ডিব্ৰুগড় ছাত্ৰ সন্থাই ডিব্ৰুগড়ৰ চৌকিডিঙ্গি খেল পথাৰত অনুষ্ঠিত কৰা আন্তঃ আঞ্চলিক ফুটবল খেলৰ শনিবাৰে সামৰণি পৰে ৷ বিগত বৰ্ষ সমূহৰ দৰেই ডিব্ৰুগড়ৰ চৌকিডিঙ্গি খেল পথাৰত সাংগঠনিক শ্বহীদ যাদৱ সেনাপতি, দীপক শৰ্মা, ৰুবু শইকীয়া, অনুপ্ৰতিম শইকীয়াৰ সোঁৱৰণীত 3 ফেব্ৰুৱাৰীৰ পৰা আন্তঃ আঞ্চলিক ফুটবল খেল প্ৰতিযোগিতাখন আৰম্ভ হৈছিল ৷
তিনিদিনীয়াকৈ অনুষ্ঠিত প্ৰতিযোগিতাত ভিন্ন আঞ্চলিকৰ 15 টা দলৰ অংশ গ্ৰহণ
সদৌ ডিব্ৰুগড় ছাত্ৰ সন্থাৰ উদ্যোগত ডিব্ৰুগড় আঞ্চলিক ছাত্ৰ সন্থা আৰু ডিব্ৰুগড় বাসী ৰাইজৰ সহযোগত 3 ফেব্ৰুৱাৰীৰ পৰা এই ফুটবল খেল প্ৰতিযোগিতাখনৰ আৰম্ভণি হয় ৷ তিনিদিনীয়াকৈ অনুষ্ঠিত হোৱা ফুটবল খেল খনৰ চূড়ান্ত খেলখন সদৌ অসম ছাত্ৰ সন্থাৰ সম্পাদক শংকৰ জ্যোতি বৰুৱাই উদ্বোধন কৰে ৷