বুঢ়ী দিহিঙৰ বুকুত জাহ গ'ল মৰাণৰ বহু কেইখন গাঁও

বৰ্তমানেও অব্যাহত আছে বুঢ়ী দিহিং নৈৰ খহনীয়া ৷ খহনীয়াৰ ফলত ভাবুকি নামি আহিছে মৰাণ সমষ্টিৰ 50 খনৰো অধিক গাঁৱলৈ ৷ বিগত বছৰত খহনীয়া ৰোধৰ বাবে জিঅ’ বেগ স্থাপনৰ কাম হাতত লোৱা হৈছিল যদিও কেলেংকাৰীৰ অভিযোগ উত্থাপন কৰিছে স্থানীয় ৰাইজে ৷

মৰাণ, 9 মে': বাৰিষা আহিলেই কালৰূপ ধাৰণা কৰা বুঢ়ী দিহিং নৈত বৰ্তমানেও অব্যাহত আছে খহনীয়া ৷ খৰস্ৰোত নৈ খনৰ খহনীয়াই ক্ৰমাৎ কালৰূপ ধাৰণ কৰিছে ইটাখুলি, দিহিং থানগাঁও, ৰঙাগৰা, শিঙৰী বালিগাঁও আদি ৰাজহৰ গাওঁ সমূহত ৷ যাৰ ফলত মৰাণ সমষ্টিৰ 50খনৰো অধিক গাঁৱলৈ নামি আহিছে ভাবুকি ৷ তাৰ পিছতো কোনো গুৰুত্ব নাই বিভাগীয় কৰ্তপক্ষৰ ৷ চৰকাৰ আহিল চৰকাৰ গ'ল ৷ কিন্তু আজিও এক শতাংশও সম্পূৰ্ণ নহ'ল ডিব্ৰুগড় কলাখোৱা ইটাখুলি দিহিং নদীৰ খহনীয়াৰ কাম ৷ যাৰ ফলত নিঃশেষ হোৱাৰ দিশে দিহিং নদীৰ মথাউৰি।

বিগত বছৰত খহনীয়া ৰোধৰ বাবে জিঅ’ বেগ স্থাপনৰ কাম হাতত লোৱা হৈছিল যদিও কেলেংকাৰি অভিযোগ উত্থাপন কৰিছে স্থানীয় ৰাইজে ৷ ডিব্ৰুগড় জিলা মৰাণ সমষ্টিৰ লৰুৱা মৌজা প্ৰতিবছৰে বানপানী আৰু গৰাখহনীয়া কবলত পৰে।‌ যাৰ ফলত নদীৰ খনীয়াত জাহ গ'ল বৃহৎ অঞ্চল । পানী বাঢ়িলেহে অঞ্চলটোত উপস্থিত হয় বিভাগীয় বিষয়া তথা কৰ্মকতা । যাৰ ফলত এতিয়া ক্ষোভিত হৈ পৰিছে স্থানীয় ৰাইজ ।

লগতে পঢ়ক:ধেমাজিত শেহতীয়াকৈ 109 জনৰ দেহত ক’ভিড 19