ড৹ অজন্তা বৰগোহাঁই ৰাজকোঁৱৰক অসম মহিলা বিশ্ববিদ্যালয়ৰ উপাচাৰ্যৰ দায়িত্ব

অসম মহিলা বিশ্ববিদ্যালয়ৰ উপাচাৰ্য হিচাপে নিযুক্ত লাভ কৰিছে ডিব্ৰুগড় বিশ্ববিদ্যালয়ৰ জেষ্ঠ্যা অধ্যাপিকা ড৹ অজন্তা বৰগোহাঁই ৰাজকোঁৱৰে ৷

ডিব্ৰুগড়,20 আগষ্ট:অসম মহিলা বিশ্ববিদ্যালয়ৰ উপাচাৰ্য হিচাপে নিযুক্তি লাভ কৰিছে ডিব্ৰুগড় বিশ্ববিদ্যালয় (Dibrugarh University)ৰ ড৹ অজন্তা বৰগোহাঁই ৰাজকোঁৱৰে । বিশ্ববিদ্যালয়ৰ বাণিজ্য বিভাগৰ জেষ্ঠ্যা অধ্যাপিকা তথা স্কুল অৱ কৰ্মাচ এণ্ড মেনেজমেন্টৰ প্ৰাক্তন ডীন আছিল ড৹ অজন্তা বৰগোঁহাই ৰাজকোঁৱৰ ।

ডিব্ৰুগড়ৰ মিলন নগৰৰ নিৰ্বাসী উৎপল ৰাজকোঁৱৰৰ পত্নী ড৹ অজন্তা বৰগোঁহাই ৰাজকোঁৱৰ ডিব্ৰুগড় বিশ্ববিদ্যালয়ৰ চেন্টাৰ ফ’ৰ মেনেজমেন্ট ষ্টাডিজৰ প্ৰাক্তন চেয়াৰপাৰ্চন হিচাপেও কাৰ্যনিৰ্বাহ কৰিছিল ৷ ইয়াৰ উপৰিও UK, USA আৰু CANADA, এই তিনিখন ৰাষ্ট্ৰৰ আন্তঃৰাষ্ট্ৰীয় গৱেষণাৰ সতে জড়িত থকাৰ লগতে ইউজিচি কমিটি (UGC COMMITTEE), নাক (National Assessment and Accreditation Council)ৰ সদস্যও আছিল তেওঁ ।

লগতে পঢ়কঃ কুকুৰো বাচি নগ’ল এইবাৰ তেওঁলোকৰ পৰা..

একেদৰে বিভিন্ন গ্ৰন্ঠৰ প্ৰনেতা, বিশেষজ্ঞ তথা সমল ব্যক্তি হিচাপে ইউনিভাৰচিটি অৱ নিউ ইংলেণ্ড (University of New England)লৈও নিমন্ত্ৰণ লাভ কৰিছে ড৹ অজন্তা বৰগোহাঁই ৰাজকোঁৱৰে ৷ তাৰ সমান্তৰালকৈ ১৮ গৰাকী পিএইচ ডি (Doctor of Philosophy) আৰু ১৭ গৰাকী এম ফিল স্কলাৰ (M.Phil Scholar) ড৹ অজন্তা বৰগোঁহাই ৰাজকোঁৱৰৰ তত্বাবধানত ইতিমধ্যে ডিগ্ৰী লাভ কৰিবলৈ সক্ষম হৈছে ।

আনহাতে জেষ্ঠ্য অধ্যাপিকা গৰাকীয়ে উপাচাৰ্য হিচাপে যোগদান কৰাৰ পৰা পাঁচ বছৰৰ বাবে কাৰ্যনিবাহ কৰিব বুলি ৰাজভৱনৰ এক নিৰ্দেশনা যোগে প্ৰকাশ কৰা হৈছে । সম্প্ৰতি অসম তথা উত্তৰ পূৰ্বাঞ্চলৰ একমাত্ৰ মহিলা বিশ্ববিদ্যালয় খনে ড৹ অজন্তা বৰগোহাঁই ৰাজকোঁৱৰৰ নেতৃত্বত এক নতুন গতি লাভ কৰিব বুলি সকলোৱে আশা প্ৰকাশ কৰিছে ।

লগতে পঢ়কঃ শনিবাৰৰ পৰা আৰম্ভ হ'ব সোণোৱালৰ তিনিদিনীয়া "জন আশীৰ্বাদ যাত্ৰা"