মৰাণ, 18 জুলাই :ডিব্ৰুগড়ৰ ডিকমত এক লজ্জাজনক ঘটনা সংঘটিত হৈছে । পিতৃ-মাতৃহীন এগৰাকী ১৮ বছৰীয়া যুৱতীক যৌন নিৰ্যাতন চলাই পাঁচমহীয়া অন্তঃসত্বা কৰে এজন পঞ্চাশ উৰ্ধ্বৰ ব্যক্তিয়ে । অভিযুক্ত লোকজন বিজয় কুমাৰ ৰঞ্জন । বিজয় কুমাৰ ৰঞ্জনে নাদুৱা চাইডিঙত ভাড়াতীয়া হিচাপে আছিল ।
ডিব্ৰুগড়ত ১৮ বছৰীয়া কিশোৰীক নিৰ্যাতন পঞ্চাশ উৰ্ধ্বৰ ব্যক্তিৰ
অভিভাৱকহীন ভুক্তভোগী যুৱতীগৰাকীয়ে নাদুৱা চাইডিঙৰ এগৰাকী সমাজকৰ্মী (Social worker)ৰ বাসগৃহত বিগত তিনি বছৰ ধৰি আশ্ৰয় লৈ আছিল । ইফালে সমাজকৰ্মী (Social worker)গৰাকীৰ বাসগৃহতে ভাড়াতীয়া হিচাপে আছিল ফাৰ্মাচিষ্ট বিজয় কুমাৰ ৰঞ্জন ৷ অভিযুক্ত লোকজনে নিজৰ ব্যক্তিগত প্ৰতিষ্ঠানত চাকৰি দিয়াৰ প্ৰলোভনেৰে এই অনৈতিক কাৰ্য সংঘটিত কৰিছিল বুলি যুৱতীগৰাকীয়ে জানিবলৈ দিয়ে ।