ডিব্ৰুগড়, 29 আগষ্টঃ 185 বছৰ পুৰণি ঐতিহাসিক ডিব্ৰুগড় চহৰৰ থানা চাৰিআলি পৰা বগা বাবা মাঝাৰ লৈ পদ পথ আৰু নলাৰ নিৰ্মাণৰ বাবে আধাৰশিলা স্থাপন কৰে কেন্দ্ৰীয় মন্ত্ৰী ৰামেশ্বৰ তেলী আৰু বিধায়ক প্ৰশান্ত ফুকনে ।
শেহতীয়াকৈ ঐতিহ্যমণ্ডিত ডিব্ৰুগড় চহৰখন ভয়াবহ কৃত্ৰিম বানৰ কৱলত পৰিছিল । ইয়াৰ পৰা মুক্ত কৰাৰ লগতে সৌন্দৰ্য বৰ্ধনৰ দিশত গুৰুত্ব প্ৰদান কৰি শুকুৰবাৰে ডিব্ৰুগড় থানা চাৰিআলি আৰ কে বি পথৰ পৰা বগা বাবা মাঝাৰ সমীপলৈকে পথৰ দুই দাঁতিত আধুনিক পদ্ধতিৰে নিৰ্মাণ হ'বলগীয়া পদপথৰ লগতে নলা নিৰ্মাণৰ কামৰ আধাৰশিলা স্থাপন কৰে । নগৰ আন্তঃগাঁথনি উন্নয়ন পুঁজিৰ পৰা ইতিমধ্যে ৰাজ্য চৰকাৰে এই কামৰ বাবে মুকলি কৰি দিছে ১২ কোটি টকা । সুন্দৰভাৱে দুয়োপাৰে ৰেলিং আৰু ৰঙীন ব্লক বহুৱাই নিৰ্মাণ কৰা হ'ব এই নলাসমূহৰ ওপৰৰ পদ পথ ।
লগতে পঢ়কঃকলগাছিয়াৰ খাৰবাল্লীত বিদ্যুৎস্পৃষ্ট হৈ এগৰাকীৰ মৃত্যু