ডিব্ৰুগড়, 15 ফ্ৰেব্ৰুৱাৰী: ম্যানমাৰৰ দুৰ্গম অৰণ্য নেওচি NSCN (KY) উগ্ৰপন্থী সংগঠনৰ হাতৰ পৰা নিৰাপদে ঘুৰি আহিবলৈ সক্ষম হোৱা টিংখাঙৰ ২ নং কেছেৰুগুৰী গাঁৱৰ হীৰেন কোঁচৰ বাসগৃহত উপস্থিত হয় ডিব্ৰুগড় জিলা আৰক্ষী অধীক্ষক শ্বেতাংক মিশ্ৰা (Dibrugarh SP met Hiren Konch) ।
হীৰেন কোঁচৰ ঘৰত উপস্থিত ডিব্ৰুগড় জিলা আৰক্ষী অধীক্ষক
দেওবাৰে নিশা নিজ বাসগৃহত সোঁশৰীৰে উপস্থিত হোৱা হীৰেন কোঁচৰ পৰা ঘটনা সন্দৰ্ভত বুজ ল'বলৈ সোমবাৰে জিলা আৰক্ষী অধীক্ষক গৰাকী হীৰেন কোঁচৰ বাসগৃহত উপস্থিত হয় । হীৰেন কোঁচৰ সৈতে আৰক্ষী অধীক্ষক মিশ্ৰাই সকলো কথা পোনপটীয়াকৈ আলোচনা কৰে (NSCN kidnapped Hiren Konch)। তেওঁ ঘটনা সংঘটিত হোৱা দিনাৰ পৰাই লংডিং আৰক্ষীৰ লগত যোগাযোগ কৰি থকা বুলি সদৰী কৰে ৷