ডিব্ৰুগড় আৰক্ষীৰ গুলীত গুলীবিদ্ধ কুখ্যাত অপৰাধী বিমান বৰা

বিভিন্ন অপৰাধজনিত ঘটনাৰ সৈতে জড়িত হৈ থকা কুখ্যাত অপৰাধী বিমান বৰা অৱশেষত ডিব্ৰুগড় আৰক্ষীৰ জালত পৰিছে ৷ আৰক্ষীৰ গুলীত গুলীবিদ্ধ বিমান বৰা ৷

ডিব্ৰুগড়, 6 অক্টোবৰ :2013 বৰ্ষতে শিমলুগুৰি গুঞ্জন শৰ্মা অপহৰণ কাণ্ডত জৰিত তথা কুখ্যাত অপৰাধী বিমান বৰা গুলীবিদ্ধ ৷ জানিবপৰা মতে, চাবুৱাৰ কাজিখোৱাত মঙলবাৰে নিশা আৰক্ষীৰে হোৱা সংঘৰ্ষ গুলীবিদ্ধ হয় বিমান বৰা ৷ ডিব্ৰুগড়ৰ আৰক্ষীয়ে গোপন সূত্ৰৰ পমখেদি মঙলবাৰে পুৱতি নিশা ডিব্ৰুগড় চাবুৱাৰ বাই পাছত গুলীয়াই ডকাইতটোক ৷

উল্লেখযোগ্য যে, 2013 বৰ্ষতে এগৰাকী অষ্টম শ্ৰেণীৰ শিক্ষাৰ্থী গুঞ্জন শৰ্মাক শিমলুগুৰিৰ পৰা অপহৰণ কৰা ঘটনাৰ সৈতে জৰিত হৈ আছিল বিমান বৰা ৷ তাৰ সমান্তৰালভাৱে বহু অপহৰণ কাণ্ড, ডকাইতি, গাড়ী চুৰি ইত্যাদি বিভিন্ন ধৰণৰ অপাধৰজনিত ঘটনাৰ সৈতে জৰিত হৈ আছিল বিমান বৰা ৷

জানিবপৰা মতে, ৰাজ্যৰ বিভিন্ন প্ৰান্তৰ থানাত বিমানৰ বিৰুদ্ধে আছে বিভিন্ন গোচৰ ৷ আৰক্ষীয়ে হোৱা সংঘৰ্ষত গুলীবিদ্ধ হোৱা বিমান বৰাৰ পৰা আৰক্ষীয়ে কেইবাজাই সজীৱ গুলী উদ্ধাৰ কৰিবলৈ সক্ষম হৈছে ৷ আনহাতে আৰক্ষীৰ গুলীত গুলীবিদ্ধ হোৱা বিমান বৰা বৰ্তমান অসম চিকিৎসা মহাবিদ্যালয়ত চিকিৎসাধীন হৈ আছে বুলি জানিব পৰা গৈছে ৷

লগতে পঢ়কঃ GNRC-ৰ ICU ৱাৰ্ডৰ পৰা গ্ৰেপ্তাৰ ৰাজকন্যা বৰুৱাক