ডিব্ৰুগড়ত আৰক্ষী-সাংবাদিকৰ সহযোগিতাত দৰিদ্ৰ লোকৰ মাজত বিতৰণ অত্যাৱশ্য়কীয় সামগ্ৰী

লক ডাউনৰ মাজত ডিব্ৰুগড়ত আৰক্ষী অধীক্ষক শ্ৰীজিৎ টি. সহ এটা আৰক্ষীৰ দল আৰু সাংবাদিকৰ সহযোগত দৰিদ্ৰ সকললৈ সঁহাৰিৰ হাত ৷ দৰিদ্ৰ লোকসকলৰ মাজত বিতৰণ কৰা হয় অত্যাৱশ্য়কীয় খাদ্য সামগ্ৰী ৷

ডিব্ৰুগড়,31 মাৰ্চঃডিব্ৰুগড়ত আৰক্ষী অধীক্ষক শ্ৰীজিৎ টি. সহ এটা আৰক্ষীৰ দল আৰু সাংবাদিকৰ সহযোগত লক ডাউনৰ মাজত দৰিদ্ৰ সকললৈ সঁহাৰিৰ হাত আগবঢ়াই বিতৰণ কৰা হয় বিভিন্ন জৰুৰী খাদ্য সামগ্ৰী । চহৰৰ মথাউৰিৰ সমীপৰ মালিপট্টি অঞ্চলৰ পৰা আৰম্ভ কৰা হয় এই সেৱাৰ অভিযান। অঞ্চলটোত বসবাস কৰা শতাধিক পৰিয়ালক বিনামূল্যে বিতৰণ কৰা হয় চাউল,আটা,দাইল,নিমখ পাচলিৰ একোটাকৈ টোপোলা। ডিব্ৰুগড়ৰ আৰক্ষী অধীক্ষকে এই ক্ষেত্ৰত নিজৰ মতামত প্ৰকাশ কৰি কয়, তেওঁলোকৰ ওচৰত বিভিন্ন সামগ্ৰী মজুত আছে আৰু আগন্তুক সময়ত তেওঁলোকৰ এই সহায় অভিযান অব্যাহত থাকিব।

লগতে পঢ়কঃবিধায়ক,চৰকাৰী কৰ্মচাৰীৰ দৰমহা কৰ্তনৰ ঘোষণা তেলেংগানাৰ