মায়দিয়াত দুৰ্ঘটনাত পতিত হৈ নিহত ডিব্ৰুগড়ৰৰ কাজিঃ আহত পৰিয়ালৰ আন সদস্য

মায়দিয়াত 300 ফুট তললৈ বাগৰি পৰিল ডিব্ৰুগড়ৰ কাজিৰ পৰিয়াল ৷ দুৰ্ঘটনাটোত নিহত কাজি মৌলানা জিল্লুৰ ৰহমান ৷ আনহাতে আহত হৈছে পত্নী আতিফা আজহাৰ চোলতানা(নাজু) আৰু সৰু পুত্ৰ মিৰ্জা মাহমুদুৰ ৰহমান।

ডিব্ৰুগড়, 10 ফেব্ৰুৱাৰীঃডিব্ৰুগড়ৰ সদৰ কাজি সহ তেওঁৰ পৰিয়াল গৈ থকা বাহন অৰুণাচলৰ মায়দিয়াত দুৰ্ঘটনাগ্ৰস্ত । দুৰ্ঘটনাটোত নিহত কাজি মৌলানা জিল্লুৰ ৰহমান ৷ আনহাতে আহত হৈছে পত্নী আতিফা আজহাৰ চোলতানা(নাজু) আৰু সৰু পুত্ৰ মিৰ্জা মাহমুদুৰ ৰহমান। আজি পুৱা ডিব্ৰুগড় চহৰৰ মিৰ্জাবাগৰ গৃহৰ পৰা পৰিয়ালটো ওলাই গৈছিল মায়দিয়ালৈ । তেওঁৰ ব্য়ক্তিগত আই-10 বাহনত আজি যাত্ৰা কৰি মায়দিয়াৰ তীৱাৰি গাঁৱত দুৰ্ঘটনাত পতিত হয় । প্ৰায় 300 ফুট তললৈ বাগৰি পৰিছিল বাহনখন । চালক আলফ্ৰেড আঘাটপ্ৰাপ্ত হোৱাৰ লগতে চামিম আহমেদ নামৰ আন এজন ব্যক্তিও লগত আছিল বুলি জানিব পৰা গৈছে ।