মৰাণ, ১৮ ছেপ্টেম্বৰ: উজনিৰ ৰাইজৰ বাবে সুখবৰ । অসম চিকিৎসা মহাবিদ্যালয় হাস্পতাল চৌহদত প্ৰায় সম্পূৰ্ণ হৈ উঠিছে কেঞ্চাৰ কেয়াৰ চিকিৎসালয় । ৰাজ্যত কৰ্কট ৰোগীৰ সংখ্যা দিনক দিনে বৃদ্ধি পাইছে । সেয়ে কৰ্কট ৰোগীসকলৰ সুবিধাৰ্থে অসম চিকিৎসা মহাবিদ্যালয়ত কেইবা কোটি টকা ব্যয়েৰে নিৰ্মাণ কৰা হৈছে কেঞ্চাৰ কেয়াৰ চিকিৎসালয়খন ।
চলিত বৰ্ষতে ডিব্ৰুগড়ত মুকলি কৰা হ'ব কেঞ্চাৰ কেয়াৰ চিকিৎসালয় শুকুৰবাৰে ডিব্ৰুগড়ৰ উপায়ুক্ত পল্লৱ গোপাল ঝাই নিৰ্মীয়মান অৱস্থাত থকা ১৮২ খন বিচনাযুক্ত কেঞ্চাৰ কেয়াৰ চিকিৎসালয়ৰ নিৰ্মাণ কাৰ্যৰ অগ্ৰগতিৰ বুজ লয় । সকলো ধৰণৰ ব্যৱস্থাৱলীৰ বুজ লোৱাৰ পাছতে উপায়ুক্তগৰাকীয়ে জানিবলৈ দিয়ে চলিত বৰ্ষৰ শেষৰফালে কৰ্কট ৰোগৰ চিকিৎসালয়খন উদ্বোধন কৰাৰ লক্ষ্য স্থিৰ কৰা হৈছে ।
চলিত বৰ্ষতে ডিব্ৰুগড়ত মুকলি কৰা হ'ব কেঞ্চাৰ কেয়াৰ চিকিৎসালয় উপায়ুক্তগৰাকীৰ এই পৰিদৰ্শনৰ সময়চোৱাত তেওঁৰ লগত ডিব্ৰুগড় জিলাৰ মহকুমাধিপতি মাচান্দা পাৰটিন আৰু চিকিৎসালয়খনৰ নিৰ্মাণ কাৰ্যৰ লগত জড়িত হৈ থকা টাটা ট্ৰাষ্ট তথা এল এণ্ড টি (L&T)ৰ বিষয়ববীয়াসকল উপস্থিত থাকে । মুঠৰ ওপৰত ডিব্ৰুগড় কেঞ্চাৰ কেয়াৰ চিকিৎসালয়খনৰ কাম সম্পূৰ্ণ হৈ উঠিলে উজনিৰ ৰাইজে যথেষ্ট সকাহ পাব ।
চলিত বৰ্ষতে ডিব্ৰুগড়ত মুকলি কৰা হ'ব কেঞ্চাৰ কেয়াৰ চিকিৎসালয় বৰ্তমান উজনিৰ কোনো লোক কৰ্কট ৰোগত আক্ৰান্ত হ'লে যিকোনো পৰীক্ষা অথবা থেৰাপীৰ বাবে গুৱাহাটী অথবা আন ঠাইলৈ যাবলগীয়া হয় । ফলত ৰোগীয়ে হাৰাশাস্তি ভোগাৰ লগতে যথেষ্ট ধনো ব্যয় হয় । সেয়ে ৰোগীসকলৰ সুবিধাৰ্থে কেঞ্চাৰ কেয়াৰ চিকিৎসালয়খন নিৰ্মাণ কৰা হৈছে ।
লগতে পঢ়ক: উপ নিৰ্বাচনৰ মিত্ৰতাৰ প্ৰসংগৰে চৰ্চাত বিৰোধী দল কংগ্ৰেছ
