কৰ’ণা যোদ্ধাৰ কাষত চিকিৎসক পাপুকন গগৈ আৰু মাৰোৱাৰী যুৱ মঞ্চ

চিকিৎসক পাপুকন গগৈ আৰু মাৰোৱাৰী যুৱ মঞ্চৰ প্ৰসংশনীয় পদক্ষেপ ৷ কৰ’ণা যোদ্ধাৰ প্ৰাণ ৰক্ষাৰ বাবে গুৱাহাটীৰ পৰা আনিলে প্লাজমা ৷

ডিব্ৰুগড়,8 আগষ্টঃ এগৰাকী কৰ’ণা যোদ্ধাক বচাৱলৈ যুদ্ধকালীন প্ৰস্তুতি একাংশ লোকৰ ৷ ডিব্ৰুগড়ৰ অসম চিকিৎসা মহাবিদ্যালয়ত কৰ্মৰত নাৰ্চ বিজু ৰাণী গগৈ আক্ৰান্ত হৈছিল কৰ’ণাত ৷ নাৰ্চ গৰাকীক চিকিৎসাৰ বাবে প্ৰযোজন হৈছিল বি+ প্লাজমাৰ ৷ ইপিনে অসম চিকিৎসা মহাবিদ্যালয়ৰ লগতে যোৰহাট চিকিৎসা মহাবিদ্যালয়তো নাছিল বি+ প্লাজমা ৷ যাৰ বাবে চিন্তিত হৈ পৰিছিল চিকিৎসক সকল ৷ অৱশেষত কৰ’ণা বিৰোদ্ধে দিনে নিশাই যুজ দিয়া নাৰ্চ গৰাকীৰ জীৱন বচাবলৈ নাৰ্চ গৰাকীৰ কাষত থিয় দিলে ডিব্ৰুগড়ৰ চিকিৎসক ডাক্তৰ ভাষ্কৰ পাপুকন গগৈ আৰু মাৰোৱাৰী যুৱ মঞ্চ ৷ মাজ নিশা গুৱাহাটীৰ GMC ৰ পৰা অনা হ'ল প্লাজমা ৷

উল্লেখযোগ্য যে, কৰ’ণা যুদ্ধা গৰাকীৰ জীৱন বচাবলৈ মাজনিশা কোনো এম্বুলেন্সলৈ বাট নাচাই মাৰোৱাৰী যুৱ মঞ্চৰ একাংশ সদস্যই প্ৰথমে গুৱাহাটীৰ পৰা নগাঁৱ । নগাঁৱৰ পৰা বোকাখাত , বোকাখাতৰ পৰা যোৰহাট । যোৰহাটৰ পৰা শিৱসাগৰ মৰাণ হৈ কাহিলি পুৱাৰ সময়ত প্লাজমা আনি অৱশেষত উপস্থিত হয় ডিব্ৰুগড়ৰ অসম চিকিৎসা মহাবিদ্যালয়ত ৷ এগৰাকী কৰ’ণা যোদ্ধাৰ জীৱন বচাবলৈ এইদৰে দলবদ্ধ ভাবে আৰু যুদ্ধকালীন মনোভাৱেৰে কাম কৰা কাৰ্যক সকলোৱে প্ৰশংসা কৰা দেখা গৈছে ৷

লগতে পঢ়কঃ চিৰাঙত ভয়ংকৰ পথ দুৰ্ঘটনাত নিহত 1, আহত 2