ডিব্ৰুগড়,11 ছেপ্তেম্বৰঃ ডিব্ৰুগড় মিলন নগৰ আৰক্ষী চকীৰ উপ-পৰিদৰ্শক ৰবীন দাসে কৰ্তব্যৰ খাতিৰত, মুখ্যমন্ত্ৰীৰ নিৰাপত্তাত নিয়োজিত হৈ চহৰখনৰ খনিকৰত নিৰাপত্তা বাহিনী মোতায়ন কৰি পুনৰ আৰক্ষী চকীলৈ ঘূৰি আহিব লওতেই হঠাৎ মূৰ ঘূৰাই পৰি যায়। ইয়াকে দেখি স্থানীয় ৰাইজে ততাতৈয়াকৈ ডিব্ৰুগড়ৰ চৌকিডিঙিস্থিত শংকৰদেৱ হাস্পতালত ভৰ্তি কৰোৱায়। কিন্তু চিকিৎসকে ৰোগী গৰাকীৰ ইতিমধ্যে মৃত্যু হোৱা বুলি জানিবলৈ দিয়াত সকলো আচৰিত হৈ পৰে। পত্নী আৰু একমাত্ৰ পুত্ৰ সন্তানসহ জীৱন নিৰ্বাহ কৰা নাহৰকটীয়াৰ আমোলাপট্টীৰ নিবাসী উপ-পৰিদৰ্শক ৰবীন দাসৰ এনে আকস্মিক মৃত্যুত পৰিয়ালৰ লোক সকল মৰ্মাহত হৈ পৰে ।
মুখ্যমন্ত্ৰীৰ নিৰাপত্তাৰ দ্বায়িত্বত নিয়োজিত আৰক্ষীৰ আকস্মিক মৃত্যু ইপিনে মৃত আৰক্ষী বিষয়া জনক অসম চিকিৎসা মহাবিদ্যালয়ত মৰণোত্তৰ পৰীক্ষা কৰাৰ পাছত তেওঁৰ মৃত্যুৰ সঠিক কাৰণ জানিব পৰা যাব ৷ অৱশ্যে আৰক্ষীয়ে প্ৰেছাৰ ষ্ট্ৰক,বা হাৰ্ট এটেক বুলি প্ৰাৰম্ভিক পৰ্যায়ত ধাৰণা কৰিছে। আনহাতেবিষয়া গৰাকীক আৰক্ষী চাউনীত আৰক্ষী অধীক্ষককে ধৰি আৰক্ষী সকলে শেষ শ্ৰদ্ধা জ্ঞাপন কৰে মৃত আৰক্ষী বিষয়া গৰাকীক। লগতে তেওঁৰ পৰিয়ালৰ আৰ্থিক দিশটোৰ বাবে জৰুৰীভাৱে কৰণীয় দায়িত্ব গ্ৰহণ কৰিব বুলি জনাই অতিৰিক্ত আৰক্ষী অধীক্ষক পদ্মনাভ বৰুৱাই।
মুখ্যমন্ত্ৰীৰ নিৰাপত্তাৰ দ্বায়িত্বত নিয়োজিত আৰক্ষীৰ আকস্মিক মৃত্যু ইফালে পুত্ৰৰ মুখ্যমন্ত্ৰীলৈ আহ্বান মই অকলশৰীয়া ল'ৰা,মাৰ মুখলৈ চাই যথেষ্টখিনি ধৈৰ্য্য ধৰিব লগা হৈছে । যিহেতু বৰ্তমান মোৰ হাতত একোৱেই নাই,দেউতাৰ ভৰষাতেই মই আছিলো। মই এটাই আহ্বান জনাও, মোৰ একোৱেই নাই,কিন্তু মই মাক চাব লাগিব যিহেতু,ঘৰখন চলাব লাগিব। সেয়ে মাক লৈ যাতে মই চলি খাব পাৰো মুখ্যমন্ত্ৰীয়ে যাতে মোক সুবিধা এটা কৰি দিয়ে। মুখ্যমন্ত্ৰীৰ নিৰাপত্তাৰ দায়িত্ব মূৰ পাতি লৈ কৰ্তব্যৰত অৱস্থাত মৃত্যুক আঁকোৱালি লোৱা পৰিয়ালটোৰ যাতে আৰ্থিক আৰু আন আনুসংগিক দিশ সমূহ চোৱাৰ বাবে মুখ্যমন্ত্ৰীক ব্যৱস্থা গ্ৰহণ কৰিবলৈ সকলোৱে আহ্ৱান জনায় ৷
লগতে পঢ়কঃ বিজেপি চৰকাৰক উৎখাত কৰিবলৈ সাজু কৃষক মুক্তি সংগ্ৰাম সমিতি
