মৰাণত বিহুক লৈ ব্যস্ত দেউৰী মহিলা সমাজ

মৰাণত তুংগত উঠিছে দেউৰী মহিলা সমাজৰ ৰঙালী বিহুৰ প্ৰস্তুতি ৷ বহাগ মাহৰ প্ৰথমটো বুধবাৰে বিহু উদযাপন কৰে দেউৰী সমাজে ৷

মৰাণ,13 এপ্ৰিল : বহাগ মাহৰ প্ৰথমটো বুধবাৰে দেউৰী জনগোষ্ঠীয়ে পালন কৰিব ৰঙালী বিহু ৷ ইয়াৰ পৰিপ্ৰেক্ষিতত বিহুৰ প্ৰস্তুতিত ব্যস্ত হৈ পৰিছে ডিব্ৰুগড় জিলাৰ মৰাণৰ দেউৰী মহিলা সমাজে ৷

পানীদিহিং মৌজাৰ ককিলামাৰী গাঁৱৰ দেউৰী মহিলাসকল ওলাই আহিছে বিহুৰ প্ৰস্তুতিৰ বাবে ৷ উল্লেখ্য যে, অসমৰ অন্যতম ভূমিপুত্ৰ দেউৰী জনগোষ্ঠীৰ বাবে বহাগ মাহৰ প্ৰথম বুধবাৰটো হৈছে পৱিত্ৰ দিন ৷

গাঁওখনৰ বয়োজ্যেষ্ঠ মহিলাসকলে ওলাই আহিছে নতুন উৎসাহ আৰু প্ৰেৰণাৰে৷ ক’ৰণা অতিমাৰীৰ বাবে বিগত বৰ্ষত অসমবাসীয়ে ৰঙালী বিহু উদযাপন কৰাৰ পৰা বঞ্চিত হৈছিল ৷ এইবেলি ক’ৰণাৰ প্ৰত্যাহ্বানকো নেওচি ৰঙালী বিহু উদযাপন কৰিব দেউৰী সমাজে ৷

লগতে পঢ়ক :টীয়কত দৈৰ টেকেলি যোগানত ব্যস্ত দুগ্ধ ব্যৱসায়