মৰাণ, 9 জুলাই : মৰাণৰ তিলৈ গাঁও পঞ্চায়তত প্ৰধানমন্ত্ৰী আবাস যোজনা অধীনত নিৰ্মীয়মান আবাস গৃহসমূহ পৰিদৰ্শন কৰে ডিব্ৰুগড় জিলা উপায়ুক্ত পল্লৱ গোপাল ঝাই । উপায়ুক্ত গৰাকীয়ে পৰিদৰ্শনকালত আবাস গৃহ লাভ কৰা হিতাধিকাৰী সকলৰ সৈতেও মত বিনিময় কৰে । দুই এটা গৃহৰ নিৰ্মাণ কাৰ্য উচ্চ মানদণ্ডৰ হৈছে যদিও প্ৰকৃতে গৃহ নিৰ্মাণৰ কাম লেহেমীয়া গতি চলি আছে বুলি উল্লেখ কৰে উপায়ুক্ত গৰাকীয়ে ৷
দেশৰ প্ৰধানমন্ত্ৰী নৰেন্দ্ৰে মোডীয়ে দায়িত্বভাৰ গ্ৰহণ কৰাৰ পাচতে দেশৰৰ গৃহহীন লোকৰ বাবে প্ৰধানমন্ত্ৰী আৱাস যোজনা ঘোষণা কৰিছিল ৷ যাৰ জৰিয়তে দেশৰ প্ৰতিটোৰ গৃহহীন তথা দৰিদ্ৰ সীমাৰেখাৰ তলৰ পৰিয়ালক এটাকৈ গৃহ নিৰ্মাণ কৰি দিয়া ব্যৱস্থা কৰা হৈছিল ৷ সেই অনুসৰি এই যোজনাৰ কাম দেশৰ অন্য ৰাজ্যৰ লগতে অসমৰ প্ৰতিখন জিলাতে আৰম্ভ কৰা হৈছিল ৷
নিৰ্মীয়মান প্ৰধানমন্ত্ৰী আবাস গৃহ পৰিদৰ্শন উপায়ুক্ত পল্লৱ গোপাল ঝাৰ