মৰাণ, 3 ডিচেম্বৰ : চাওলুং চ্যুকাফাৰ সমাধিক্ষেত্ৰ(Chaolung Sukapha Cemetery) সংৰক্ষণ আৰু বেদখল মুক্ত কৰাৰ দাবী জনাইছে অসম জাতীয়তাবাদী যুৱ ছাত্ৰ পৰিষদে(Asom Jatiyatabadi Yuba Chatra Parishad ) । সোণাৰিত সংগঠনটোৰ উদ্যোগত অনুষ্ঠিত কৰা কেন্দ্ৰীয় চ্যুকাফা দিৱসস্থলীৰপৰা (Asom divas celebrated in Sonari) এই দাবী জনালে অসম জাতীয়তাবাদী যুৱ ছাত্ৰ পৰিষদৰ সাধাৰণ সম্পাদক পলাশ চাংমায়ে।
চাওলুং চ্যুকাফাৰ সমাধিক্ষেত্ৰ সংৰক্ষণ আৰু বেদখলমুক্ত কৰাৰ দাবী
ৰাজ্যৰ সত্ৰ, মঠ-মন্দিৰসমূহ বেদখলমুক্ত কৰিবলৈ চৰকাৰে যিহেতু পদক্ষেপ লৈছে সেয়েহে ছশ বছৰীয়া আহোম ৰাজত্বৰ ঐতিহ্য বহনকাৰী চৰাইদেউ বেদখলমুক্ত কৰিবলৈ দাবী জনাইছে সংগঠনটোৱে । আনহাতে, চাওলুং চ্যুকাফাৰ মৈদাম সংৰক্ষণ আৰু বেদখলমুক্ত কৰাৰ দাবী জনালে সোণাৰি সমষ্টিৰ বিধায়ক ধৰ্মেশ্বৰ কোঁৱৰে(MLA of Sonari constituency) ।