চাহ বাগিচাৰ কৰ্তৃপক্ষৰ সৈতে বৈঠকত বহিল ডিব্ৰুগড় জিলা প্ৰশাসন

বৰ্তমান পৰিস্থিতিত ক'ভিড ১৯ ৰ সংক্ৰমণ প্ৰতিৰোধৰ বাবে লোৱা পদক্ষেপ হিচাপে শুকুৰবাৰে ডিব্ৰুগড় জিলা উপায়ুক্তৰ কাৰ্যালয়ৰ সভাকক্ষত জিলা উপায়ুক্ত পল্লৱ গোপাল ঝাৰ সভাপতিত্বত জিলাখনৰ চাহ বাগিচা সমূহৰ কৰ্তৃপক্ষৰ লগতে বিভিন্ন সংগঠনৰ উপস্থিতিত এখনি বৈঠক অনুষ্ঠিত কৰা হয় । উক্ত সভাখনত জিলা উন্নয়ন আয়ুক্ত পার্থ প্ৰতীম বৈৰাগীৰ লগতে স্বাস্থ্য বিভাগৰ বিষয়া, চিকিৎসক উপস্থিত থাকে ।

ডিব্ৰুগড়, 7 মে’ : ক'ভিড-19 ৰ সংক্ৰমণ প্ৰতিৰোধৰ বাবে লোৱা পদক্ষেপ হিচাপে চাহ বাগিচা সমূহৰ কৰ্তৃপক্ষৰ সৈতে ডিব্ৰুগড় জিলা উপায়ুক্তৰ বৈঠক ৷ শুকুৰবাৰে ডিব্ৰুগড় জিলা উপায়ুক্তৰ কাৰ্যালয়ৰ সভাকক্ষত জিলা উপায়ুক্ত পল্লৱ গোপাল ঝাৰ সভাপতিত্বত জিলাখনৰ চাহ বাগিচা সমূহৰ কৰ্তৃপক্ষৰ লগতে বিভিন্ন সংগঠনৰ উপস্থিতিত এখন বৈঠক অনুষ্ঠিত কৰা হয় । উক্ত বৈঠকত উপায়ুক্ত গৰাকীয়ে চাহবাগিছা সমূহত সকলোকে মাস্ক পৰিধান কৰা, সামাজিক দূৰত্ব মানি চলাৰ লগতে অন্যান্য ক'ভিড প্ৰ'টকল সমূহ কঠোৰভাৱে মানি চলিবলৈ নিৰ্দেশ প্ৰদান কৰে ।

চাহ বাগিচাৰ কৰ্তৃপক্ষৰ সৈতে বৈঠকত বহিল ডিব্ৰুগড় জিলা প্ৰশাসন

আনহাতে, চাহ বাগিছাসমূহত ক'ভিডৰ প্ৰতিষেধক প্ৰদান প্ৰক্ৰিয়া চলি থকাৰ কথা উল্লেখ কৰি জিলা উপায়ুক্ত গৰাকীয়ে বাগিছাৰ সকলো কৰ্মচাৰীকে এই প্ৰতিষেধক গ্ৰহণ কৰিবলে আহ্বান জনায় ৷ ইয়াৰ লগতে ১৮ বছৰৰ পৰা ৪৪ বছৰৰ ব্যক্তি সকলক এই প্ৰতিষেধক গ্ৰহণৰ বাবে নিজৰ নাম পঞ্জীয়ন কৰিবলৈ কয় ।

উল্লেখ্য যে, যদি কোনো কৰ্মচাৰীয়ে ক’ভিড সম্পৰ্কীয় কোনো লক্ষণ অনুভৱ কৰে, তেন্তে বিনাদ্বিধাই ক'ভিড পৰীক্ষা কৰিবলৈ কোৱাৰ লগতে এই ক্ষেত্ৰত বাগিছা কৰ্তৃপক্ষকো সক্ৰিয় ভূমিকা গ্ৰহণ কৰিবলৈ উপায়ুক্ত গৰাকীয়ে আহ্বান জনায় । উক্ত সভাখনত জিলা উন্নয়ন আয়ুক্ত পার্থ প্ৰতীম বৈৰাগীৰ লগতে স্বাস্থ্য বিভাগৰ বিষয়া, চিকিৎসক উপস্থিত থাকে ।

লগতে পঢ়ক : ডিব্ৰুগড়ত 18 ৰ পৰা 44 লোকৰ টীকাকৰণ আৰম্ভ