ডিব্ৰুগড়ত চিলিণ্ডাৰ চোৰৰ টিঘিলঘিলনি

অঞ্চলটোৰ এঘৰত ৰন্ধন গেছৰ চিলিণ্ডাৰ দিবলৈ সোমাওতেই এক-ডেৰ মিনিটৰ ব্যৱধানতে চিলিণ্ডাৰ ভৰ্তি ঠেলাখনৰ কাষ পায়হি চোৰ ৷ তাৎক্ষণিকভাৱে চোৰটোৱে পলম নকৰি ঠেলাখনৰ পৰা এটা গেছ ভৰ্তি চিলিণ্ডাৰ চাইকলত লৈ সেই ঠাইৰ পৰা উধাও হয় ৷

ডিব্ৰুগড়,17 জুলাইঃ দিন-দুপৰতে ডিব্ৰুগড়ত সংঘটিত হৈছে চুৰিকাণ্ডৰ ঘটনা ৷ এইবাৰ চোৰে কৌশলেৰে চুৰি কৰিলে গেছ ভৰ্তি চিলিণ্ডাৰ ৷ জানিব পৰা মতে, ডিব্ৰুগড় চহৰৰ জ্যোতিনগৰৰ জি এচ মোডী ৰোডত এজন হকাৰে এখন ঠেলাৰে গেছ ভৰ্তি চিলিণ্ডাৰ অঞ্চলটোত দিবলৈ ৃলৈ আহিছিল ৷ হকাৰজনে অঞ্চলটোৰ এঘৰত ৰন্ধন গেছৰ চিলিণ্ডাৰ দিবলৈ সোমাওতেই এক-ডেৰ মিনিটৰ ব্যৱধানতেৃ চিলিণ্ডাৰ ভৰ্তি ঠেলাখনৰ কাষ পায়হি চোৰ ৷ তাৎক্ষণিকভাৱে চোৰটোৱে পলম নকৰি ঠেলাখনৰ পৰা এটা গেছ ভৰ্তি চিলিণ্ডাৰ চাইকলত লৈ সেই ঠাইৰ পৰা উধাও হয় ৷

ইপিনে এই চুৰিকাণ্ড ঘটনাৰ সমগ্ৰ দৃশ্য বন্দী হৈ ৰ'ল স্থানীয় এঘৰ লোকৰ CCTV কেমেৰাত ৷ ইয়াৰ পিছতে এই ঘটনাক লৈ এতিয়া অঞ্চলজুৰি সৃষ্টি হৈছে তীব্ৰ প্ৰতিক্ৰিয়াৰ ৷

লগতে পঢ়কঃশোণিতপুৰত 504 গৰাকীলৈ বৃদ্ধি কৰ’ণা আক্ৰান্তৰ সংখ্যা