ডিব্ৰুগড়, ৫মে' :ৰাজ্যৰ বিভিন্ন অঞ্চলৰ লগতে এইবাৰ চাহ বাগিছাসমূহতো কৰ'ণাৰ দ্ৰুত সংক্ৰমণ দেখিবলৈ পোৱা গৈছে । এইবাৰ ডিব্ৰুগড় জিলাৰ পৰা আহিছে এক উদ্বেগজনক খবৰ । জিলাখনৰ এখন চাহ বাগিছাৰ ৯০ গৰাকী লোকৰ দেহত ধৰা পৰিছে মৰাত্মক কৰ’ণা ভাইৰাছৰ অৱস্থিতি ।
ডিব্ৰুগড়ৰ চাহ বাগিছাত কৰ'ণা দ্ৰুত সংক্ৰমণ টেঙাখাট ৰাজহ চক্ৰৰ অন্তৰ্গত জালনি চাহ বাগিছাৰ চাহ শ্ৰমিকসহ ৯০ গৰাকী কৰ্মী আৰু কৰ্মচাৰীৰ দেহত ধৰা পৰিছে ক'ভিড-১৯ ৰ অৱস্থিতি । ইয়াৰ পিছতে শংকিত হৈ পৰিছে সমগ্ৰ অঞ্চলটোৰ ৰাইজ । চাহ বাগিছাখন কন্টেইনমেন্ট জ'ন হিচাপে ঘোষণা কৰাৰ লগতে বাগিছাখন বন্ধ কৰি দিয়া হৈছে । ইতিমধ্যে টেঙাখাট ৰাজহ চক্ৰৰ চক্ৰ বিষয়া, চিকিৎসা পৰিৰ্দশক আৰু স্বাস্থ্য বিভাগৰ অন্যান্য বিষয়াসকলে পৰিস্থিতিৰ বুজ ল'বলৈ বাগিছা খনলৈ ৰাওনা হৈছে ।
ডিব্ৰুগড়ৰ চাহ বাগিছাত কৰ'ণা দ্ৰুত সংক্ৰমণ চাহ বাগিছা খনৰ চিকিৎসালয় আৰু দুটা কৰ্মচাৰী নিবাস অস্থায়ীভাৱে আইচ'লেচন চেন্টাৰলৈ পৰিণত কৰা হৈছে । ডিব্ৰুগড় জিলাৰ নডেল বিষয়া ড' নৱজ্যোতি নেওগে জনোৱা মতে বুধবাৰৰ পৰা টীকাকৰণ প্ৰক্ৰিয়াৰ লগতে ছেনিটাইজেছন প্ৰক্ৰিয়াও আৰম্ভ হ'ব অঞ্চলটোত ।
ডিব্ৰুগড়ৰ চাহ বাগিছাত কৰ'ণা দ্ৰুত সংক্ৰমণ উল্লেখ্য যে, চাহ জনজাতীয় সংগঠনসমূহে চাহ বাগিছাৰ অধীনত থকা কৰ্মীসকলৰ চাহ বাগিছাত দ্ৰুত হাৰত ক'ভিড সংক্ৰমনৰ সম্ভাৱনাৰ প্ৰতি লক্ষ্য ৰাখি কৰ'ণা প্ৰতিষেদকৰ দাবী জনাই আহিছিল । ইফালে উপায়ুক্ত তথা দুৰ্যোগ ব্যৱস্থাপনা বিভাগে টেঙাখাট উন্নয়ন খণ্ডৰ অন্তৰ্গত সকলো বজাৰ অতি শীঘ্ৰে বন্ধ কৰিবলৈ নিৰ্দেশ জাৰি কৰিছে । লগতে সংশ্লিষ্ট বিভাগৰ বিষয়া তথা খণ্ড উন্নয়ন বিষয়াক পৰিস্থিতি অনুযায়ী প্ৰায়বোৰ বজাৰ বন্ধ কৰিবলৈ নিৰ্দেশ দিছে ।
লগতে পঢ়ক:ক'ভিড-19 ত মৃত্যু হোৱা লোকৰ সৎকাৰৰ বাবে ঠাইৰ অভাৱ গুৱাহাটীত !
