ডিব্ৰুগড়ত বজাৰ নিয়ন্ত্ৰণত নামিছে যোগান আৰু গ্ৰাহক পৰিক্ৰমা বিভাগৰ বিষয়া

সামগ্ৰীৰ মূল্যবৃদ্ধি নিয়ন্ত্ৰণ কৰাৰ লগতে চৰকাৰে নিৰ্ধাৰণ কৰা দৰত যাতে সামগ্ৰী ক্ৰয় কৰিব পাৰে তাত নজৰ ৰাখিছে জিলা প্ৰশাসনে ৷ গ্ৰাহকৰ পৰা যথোচিত মূল্য আদায় কৰাৰ নিৰ্দেশনা প্ৰদান ৷

মৰাণ, 8 নৱেম্বৰ: ৰাজ্যত ভয়াৱহ ভাৱে বৃদ্ধি পাইছে শাক পাচলিৰ লগতে নিত্য প্ৰয়োজনীয় খাদ্য সামগ্ৰীৰ মূল্য ৷ অত্যাৱশ্যকীয় খাদ্য সামগ্ৰীৰ মূল্যবৃদ্ধিয়ে কোঙা কৰিছে সাধাৰণ ৰাইজক ৷ বিভিন্ন দল সংগঠনে মূল্যবৃদ্ধি ৰোধ কৰিবলৈ প্ৰতিবাদৰ জোৱাৰ তুলিছে যদিও গা লৰা নাই অসম চৰকাৰ তথা যোগান বিভাগৰ ৷ ৰাজ্যৰ অন্য প্ৰান্তৰ লগতে ডিব্ৰুগড়ৰ শাক-পাচলিৰ বজাৰতো লাগিছে জুই ৷ সামগ্ৰীৰ মূল্যবৃদ্ধি নিয়ন্ত্ৰণ কৰাৰ লগতে চৰকাৰে নিৰ্ধাৰণ কৰা দৰত যাতে সামগ্ৰী ক্ৰয় কৰিব পাৰে তাত নজৰ ৰাখিছে জিলা প্ৰশাসনে ৷

ডিব্ৰুগড়ৰৰ বজাৰে বজাৰে যোগান আৰু গ্ৰাহক পৰিক্ৰমা বিভাগৰ বিষয়া

শনিবাৰে দিনটোতো ডিব্ৰুগড় জিলা খাদ্য , অসামৰিক যোগান আৰু গ্ৰাহক পৰিক্ৰমা বিভাগৰ দলে ডিব্ৰুগড় নগৰৰ নালিয়াপুল আৰু বৰবৰুৱা, খোৱাঙৰ তিলৈ বজাৰ পৰিদৰ্শন কৰি বজাৰত আলু, পিয়াঁজৰ দৰে অত্যাবশ্যকীয় সামগ্ৰীৰ মূল্য নিৰীক্ষণ কৰে ৷

ডিব্ৰুগড়ৰৰ বজাৰে বজাৰে যোগান আৰু গ্ৰাহক পৰিক্ৰমা বিভাগৰ বিষয়া

খাদ্য, অসামৰিক যোগান আৰু গ্ৰাহক পৰিক্ৰমা বিভাগৰ দলে খুচুৰা বিক্ৰেতাসকলে গ্ৰাহকৰ পৰা যাতে যথোচিত মূল্যহে আদায় কৰে সেই দিশতো নিৰ্দেশনা প্ৰদান কৰে ৷

লগতে পঢ়কঃওদালগুৰিত চিনেমাৰ কায়দাৰে ধন লুট দুৰ্বৃত্তৰ