বিজেপিৰ লগত সহযোগিতা আগবঢ়াবলৈ সাজু কংগ্ৰেছ!

প্ৰাক্তন মন্ত্ৰী তথা কংগ্ৰেছৰ জ্য়েষ্ঠ নেতা এতোৱা মুণ্ডাৰ গ্ৰীণ চিগনেল বিজেপিলৈ ৷ এতোৱা মুণ্ডাই ক'লে বৰ্তমান বিজেপি চৰকাৰৰ লগত আছে কংগ্ৰেছ দল ৷ কিন্তু কিয় হঠাত এই মন্তব্য জেষ্ঠ কংগ্ৰেছী নেতা গৰাকীৰ?

ডিব্ৰুগড়,25 মাৰ্চঃ বিজেপিৰ লগত সহযোগিতা আগবঢ়াবলৈ সাজু কংগ্ৰেছ ৷ এই মন্তব্য কংগ্ৰেছৰ জ্যেষ্ঠ নেতাৰ ৷ প্ৰাক্তন মন্ত্ৰী তথা কংগ্ৰেছৰ জ্য়েষ্ঠ নেতা এতোৱা মুণ্ডাৰ গ্ৰীণ চিগনেল বিজেপিলৈ ৷ এতোৱা মুণ্ডাই ক'লে বৰ্তমান বিজেপি চৰকাৰৰ লগত আছে কংগ্ৰেছ দল ৷ কিন্তু কিয় হঠাৎ এই মন্তব্য জ্যেষ্ঠ কংগ্ৰেছী নেতা গৰাকীৰ ? প্ৰকৃততে বিশ্বজুৰি মহামাৰী ৰূপ ধাৰণ কৰা কৰ’ণা ভাইৰাছ প্ৰতিৰোধ কৰাৰ ক্ষেত্ৰত বিজেপি চৰকাৰক এশ শতাংশ সহযোগিতা আগবঢ়াবলৈ আগ্ৰহী বিৰোধী দল কংগ্ৰেছ ৷ বিজেপি চৰকাৰৰ কৰ’ণা প্ৰতিৰোধৰ ক্ষেত্ৰত লোৱা পদক্ষেপক আদৰণি জনায় জেষ্ঠ কংগ্ৰেছ নেতা এতোৱা মুণ্ডাই ৷

উল্লেখ্য যে,সোমবাৰে বিয়লি মুখ্যমন্ত্ৰী সৰ্বানন্দ সোণোৱাললৈ চাহ জনগোষ্ঠীক সজাগ আৰু সমঅধিকাৰেৰে কৰ’ণাৰ সময়ত উপকৃত কৰিবলৈ আহ্বান জনাই এতোৱা মুণ্ডাই এক স্মাৰক পত্ৰ প্ৰেৰণ কৰে ৷ চাহ বাগিচাৰ শ্ৰমিক ৰাইজক বেতন,ৰেচনসহ অন্যান্য সা-সুবিধা প্ৰদান কৰি বাগিচা বন্ধ ৰখাৰ বাবে মুখ্যমন্ত্ৰীক আহ্বান জনায় জেষ্ঠ কংগ্ৰেছ নেতাগৰাকীয়ে ৷

লগতে পঢ়ক- ডুমডুমাৰ ফিল’বাৰীত চুলাই মদৰ অবৈধ সৰবৰাহ