ডিব্ৰুগড়, 20 ফেব্ৰুৱাৰী:মানবীয়তাৰ খাতিৰত Quippo ৰ দুই বিষয়াক অতি শীঘ্ৰে মুক্তি দিবলৈ আলফা স্বাধীনক আহ্বান জনালে মুখ্যমন্ত্ৰীয়ে ৷ ডিব্ৰুগড়ত উপস্থিত থাকি মুখ্যমন্ত্ৰী গৰাকীয়ে সংবাদ মাধ্যমৰ জৰিয়তে Quippo ৰ দুই বিষয়াক অতি শীঘ্ৰে মুক্তি দিবলৈ আহ্বান জনোৱাৰ লগতে আলফাৰ সেনাধ্যক্ষ পৰেশ বৰুৱাক পুনৰ এবাৰ আলাপ আলোচনালৈ আহিবলৈ আহ্বান জনায় ৷
অসমৰ বুকুত এনে ধৰণৰ যিমান সশস্ত্ৰ সংগ্ৰামী আছিল প্ৰায় সংখ্যকেই চৰকাৰৰ সৈতে আলাপ আলোচনা কৰি বুজাবুজি চুক্তিত উপনীত হৈছে বুলি মন্তব্য কৰি সোণোৱালে পৰেশ বৰুৱাকো আলোচনাৰ মাজলৈ আহিবলৈ জনায় ৷ সোণোৱালে কয় যে, "এন ডি এফ বিৰ লগতে কাৰ্বি আংলঙৰ বহু সশস্ত্ৰ সংগ্ৰামীয়ে, উগ্ৰপন্থী গোটে চৰকাৰৰ লগত আলাপ আলোচনা কৰি শান্তি চুক্তিত স্বাক্ষৰ কৰিছে ৷ পৰেশ বৰুৱা ডাঙৰীয়াকো আহ্বান জনাইছো, আমাৰ আলোচনাৰ দুৱাৰ মুকলি আছে ৷ আমি বিশ্বাস কৰো আলোচনাৰ মাজেৰে সকলো সমস্যাৰ সমাধান হয় ৷"
লগতে পঢ়ক:অপহৃত কুইপৰ দুই বিষয়াক লৈ প্ৰতিক্ৰিয়া প্ৰকাশ কৰিলে অইলে
