মেচি-মাৰাডোনা নতুবা ৰোণাল্ড' হোৱাৰ সপোনেৰে খেলপথাৰত এজাক কণমানি

লাহোৱালৰ ৰাজহুৱা খেলপথাৰত কণমানিৰ দুভৰিত চমক ৷ কণমানি ভৰিৰ চমকত আকৰ্ষিত লাহোৱাল অঞ্চলবাসী ৷ ডি এডুকেশ্বন্যনেল এণ্ড স্পৰ্টছ ফাউণ্ডেশ্যনৰ উদ্যোগত আয়োজিত ফুটবল কৰ্মশালাত ফুটবলৰ মহাৰণত ভীষণ ব্যস্ত এজাক কণমানি ৷

মৰাণ, 16 ডিচেম্বৰ: নানা ৰঙৰ জাৰ্চি পিন্ধি ৰাজহুৱা খেলপথাৰত নামিছে এজাক কণমানি ৷ কণমানি ভৰিৰ যাদুৱে আকৰ্ষিত কৰিছে অঞ্চলবাসীক ৷ ডিব্ৰুগড় জিলাৰ লাহোৱাল পিৰাফলা গাঁৱৰ এজাক কণমানিৰ ভীষণ ব্যস্ততা ৷ কোনোবাই যদি মেচি হোৱাৰ সপোন দেখিছে আন কোনোবাই মাৰাডোনা নতুবা ৰোণাল্ড' হোৱাৰ সপোন দেখিছে ৷ ফুটবলৰ মহাৰণেৰে বিশ্ব জয়ৰ হেঁপাহেৰে যেন ফুটবল খেলিছে ৷

মেচি, মাৰাডনা নতুবা ৰুণাল্ড' হোৱাৰ সপোনেৰে খেলপথাৰত এজাক কণমানি

ডিব্ৰুগড় জিলাৰ ডি এডুকেশ্বন্যনেল এণ্ড স্পৰ্টছ ফাউণ্ডেশ্যনৰ উদ্যোগত আৰু লাহোৱালবাসী ৰাইজৰ সহযোগত ডিব্ৰুগড়ৰ লাহোৱাল পিৰাফলা ৰাজহুৱা খেলপথাৰত ১০ দিনীয়া ফুটবল কৰ্মশালাৰ আয়োজন কৰা হৈছে ৷ মংগলবাৰে কৰ্মশালাৰ অন্তত শিশু সকলে পাৰদৰ্শিতা দেখাইছে ফুটবলৰ মহাৰণত ৷ এই কৰ্মশালা খন বিনামূলীয়াকৈ ৩ ডিচেম্বৰৰ পৰা ১৫ ডিচেম্বৰলৈ অনুষ্ঠিত কৰা হৈছিল ৷

লগতে পঢ়ক:মাইক্ৰ’ফাইনেঞ্চ কোম্পানীৰ বিৰুদ্ধে আন্দোলনৰ হুংকাৰ কৃষক মুক্তি সংগ্ৰাম সমিতিৰ