ধুমুহাত ক্ষতিগ্ৰস্ত লোকক ক্ষীপ্ৰতাৰে দিয়া হ'ব সাহাৰ্য- মুখ্যমন্ত্ৰী সোণোৱাল

ধুমুহাত ক্ষতিগ্ৰস্ত সকলো লোককে চৰকাৰী সাহাৰ্য প্ৰদান কৰিবলৈ প্ৰতিখন জিলাৰ উপায়ুক্ত সকলক নিৰ্দেশ মুখ্যমন্ত্ৰীৰ । সকলো জিলাৰ উপায়ুক্তকে বিভিন্ন বিভাগৰ মুৰব্বী সকলৰ সতে তদন্ত কৰি ক্ষতিগ্ৰস্ত লোক সকলক ক্ষীপ্ৰতাৰে সাহাৰ্য প্ৰদান কৰাৰ নিৰ্দেশ দিয়ে মুখ্যমন্ত্ৰীয়ে ।

ডিব্ৰুগড়, 24 এপ্ৰিলঃ ডিব্ৰুগড়ৰ জিলাৰ লেজাইত ধুমুহাত ক্ষতিগ্ৰস্ত দুখনকৈ গাঁও পৰিদৰ্শন কৰে মুখ্যমন্ত্ৰী সৰ্বনন্দ সোণোৱালে ৷ অঞ্চলটো পৰিদৰ্শন কৰি সাংবাদিকৰ আগত কেইবাটাও গুৰুত্বপূৰ্ণ মন্তব্য আগবঢ়াই মুখ্যমন্ত্ৰী সৰ্বানন্দ সোণোৱালে ৷

উল্লেখযোগ্য যে,ক'ৰণা ভাইৰাছৰ আতংকৰ মাজতে প্ৰচণ্ড ধুমুহাই নিমিষতে তচনচ কৰি পেলোৱা ডিব্ৰুগড়ৰ লেজাই অঞ্চল পৰিদৰ্শন কৰে মুখ্যমন্ত্ৰী সৰ্বানন্দ সোণোৱালে। বৃহস্পতিবাৰে নিশাৰ ভাগত অহা ধুমুহাই গাঁও সমূহত বাসগৃহৰ লগতে মুল্যৱান গছ-গছনি ভাঙি চূৰমাৰ কৰে । সমগ্ৰ অসমতে ধুমুহাই সৃষ্টি কৰা ধ্বংসলীলাত দুখ প্ৰকাশ কৰে মুখ্যমন্ত্ৰী সোণোৱালে । ধুমুহাত ক্ষতিগ্ৰস্ত সকলো লোককে চৰকাৰী সাহাৰ্য প্ৰদান কৰিবলৈ প্ৰতিখন জিলাৰ উপায়ুক্তসকলক নিৰ্দেশ মুখ্যমন্ত্ৰীৰ। উপায়ুক্ত সকলক বিভিন্ন বিভাগৰ মুৰব্বী সকলৰ সৈতে তদন্ত কৰি ক্ষীপ্ৰতাৰে সাহাৰ্য প্ৰদান কৰাৰ নিৰ্দেশ দিয়ে মুখ্যমন্ত্ৰীয়ে । লক ডাউনৰ সময়ত এনে দুৰ্যোগৰ বাবে চৰকাৰে সকলো ব্যৱস্থা গ্ৰহণ তৎপৰতাৰে কৰা হৈছে বুলি সদৰি কৰে মুখ্যমন্ত্ৰীয়ে। লগতে স্বাস্থ্য বিভাগে ক'ৰণা ভাইৰাছৰ বিৰুদ্ধে যিবোৰ নীতি নিয়ম বান্ধি দিছে এই সকলোবোৰ নীতি-নিয়ম মানি যাবলৈ সকলো ৰাইজকে আহ্বান জনায় ৷ আনহাতে,আগন্তুক বানপানীৰ বাবে ৰাজ্য চৰকাৰ সাজু থকাৰ লগতে ইতিমধ্যে মথাউৰি সমুহ খৰতকীয়াকৈ নিৰ্মাণ কৰিবলৈ নিৰ্দেশ দিয়া বুলি কয় মুখ্যমন্ত্ৰীয়ে ৷ লগতে মথাউৰি মেৰামতিত থকা সকলো শ্ৰমিকক সামাজিক দুৰত্ব বজাই মাস্ক পৰিধান কৰি সাবধানতা অৱলম্বন কৰিবলৈ আহ্বান জনায় ৷

লগতে পঢ়ক-মাজুলীৰ এগৰাকী বৃদ্ধাৰ কৰুণ কাহিনী